而家先知 sultana 同埋 raisin 原來係兩樣野黎架....
下一期羽毛球班o既 schedule 已經出左.....我諗我都應該要再報多一次...繼續改善球技..
下晝自己一個人出左去食lunch....上次o係呢間茶餐廳見到人食常餐...好似好好味....
要出前一丁仲唔使加錢添.....不過原來食落都係麻麻地啫....
尋日實在太落力....今日周身d 肌肉好痛....所以冇去做運動.....
去左爭鮮買左一堆壽司返屋企食....咁多件加埋都只係一百蚊....好抵..
見CCB o既信用咭 welcome offer 送里數.....所以申請左.....
尋日收到咭.....間間銀行都係用電話或者上網黎activate 張新咭...但佢竟然要寄番去...
o甘努力學習丫﹗ 希望你可以尋找倒打羽毛球o既樂趣﹐同少o的執波啦﹗
回覆刪除魚生系生冷野﹐你o吾記得左中醫師o既話﹐雖然我o吾覺得食生冷對人有害﹐但系﹐你身子o甘虛弱都系淺嘗啦﹗
[版主回覆09/07/2012 22:25:37]執少左好多波啦
耐唔耐食下啫, 乜都唔食得就冇人生樂趣啦
2樣都係提子乾之麻 , 只不過raisin細粒d ,超市細盒俾小盆友當零食既, 而sultana就係大大粒, 叫"金黃葡萄乾", 價錢都貴好多...我之前整muffin & cupcake就係用佢.
回覆刪除[毛豆回覆09/08/2012 09:52:11]王子, 呢d只不過係我既經驗之談,但我唔認為係2樣野只係大粒細粒d, 青提,紅提根本同一樣野黎..不過魚師奶好固執 ,俾人洗壞腦定了.
[噢!地利 Oh!tria回覆09/08/2012 03:27:05]毛豆真係叻. 我睇wiki都冇你講得咁清楚.
[版主回覆09/07/2012 22:26:44]咁咪係囉, 你都講左咁多野, 即係有好大分別囉
咁係咪會報improvement
回覆刪除爭鮮成日都經過但無幫襯過，好抵架咩
[版主回覆09/07/2012 22:46:21]唔係喎, 只係報番初班, 反正阿sir都係咁教o既啫, 但價錢平d 喎
以3蚊一件o既質素黎講, 算係抵
CCB即係邊間bank??
回覆刪除[版主回覆09/08/2012 08:40:07]中國建設
好勤力又好努力向職業進發
回覆刪除[版主回覆09/08/2012 15:53:29]職業?
我係職業食野選手