第一次去澳門有人接船，多謝澳門人開車黎接我地，又帶我地周圍玩
如果唔係有車，都唔會去到咁多平時好少去o既地方，第一站大譚山郊野外公園
第二站係天后宮，個媽祖像好大個呀
跟住去左路環食一間平價葡國菜.....熱o既豬手竟然可以配凍o既沙律
當然唔少得安德魯o既葡撻啦
澳門 d 街名其實都幾特別
唔係澳門人講，我都唔知原來除左黑沙海灘之外，仲有一個叫做竹灣
既然有車，緊係要去埋黑沙海灘食我最愛o既炭燒串燒啦
之後再出番氹仔，想參觀房屋博物館......但原來只有星期日係免費...都係唔去喇
過到官也街，又點少得大利來記呢.....
跟住返左過澳門果邊，估唔到主教山o既另一邊竟然隱藏左個咁靚o既 view
澳門人夠鐘返工，我地自己去左議事庭前地
行左陣我地又過番氹仔....原本諗住用左之前o既buffet coupon.....但點知....
新濠天地裡面個buffet 已經cancel 左，只係俾番個 set dinner 我地食
由於冇 buffet 食，突然多左好多時間，唯有過去威尼斯人行下....消磨時間
不經不覺都夠鐘走人，玩左一日....真係好攰呀
估唔到澳門都咁多野玩同食 可惜我未去過 而且又無人陪我去= =
回覆刪除[版主回覆04/03/2011 09:42:00]你出錢請我地陪你 lor
一日去咗咁多地方
回覆刪除[版主回覆04/03/2011 09:43:00]係呀 多得個朋友有車 如果唔係, 我地自己未必會去
嘩！行程好豐富喎！係澳門食葡撻，特別覺得好味！
回覆刪除[版主回覆04/03/2011 09:44:00]我覺得尤其係安德魯呢間特別好味
終於食到個之扒包..係咪真係咁好食呢....
回覆刪除[版主回覆04/03/2011 11:55:00]今次呢個真係新鮮出爐, 幾ok 喎 我記得之前試過係凍架
大潭山同竹灣都未去過，係咪好隔攝架呢？連豬手沙律也未食過呀，喱個配搭好搞笑咁 對新波鞋著上腳又幾唔錯喎 情人街都幾過癮，係咪好多情人去架
回覆刪除[版主回覆04/03/2011 19:42:00]兩個地方都係好唔就腳, 如果自己坐車會比較麻煩 個豬手雖然怪, 不過都幾好味架 果對唔係新鞋黎架...... 唔留心聽書 條情人街好似後巷咁, 我諗唔係好多人去