29 Mar 2014

起身之後....首先去食個早餐....

之後就出發去澳門.....襯三月仲未完....用盡個生日優惠....兩舊水來回船飛....

咁啱澳門人今日返晏.....上晝得閑.....開車黎接我地去食lunch...仲請我食埋飯....真係好多謝...

去咁多次澳門....都冇去過永利......順便跟埋一齊去行個圈.....

雖然今日落雨....但條街都一樣係咁多人.......

行到攰攰地....見到間教堂....入去坐下....休息下.....

見到個個o係度影相...都忘記左其實呢度係一間教堂......好似去左乜野景點...

其實都未肚餓...不過朋友話未去過呢個街市.....所以上去望望....咁啱見到有檔賣瓦煲奶茶..

朋友想試....所以我又順便叫左個豬扒包.....同老細吹下水....先知原來兩樣都係佢地招牌野..

過番氹仔果邊.....去威尼斯人行個圈.....

再去澳門人介紹o既葡國餐廳食晚飯....果然係幾好食.....

冇諗過要食甜品....不過身上仲有幾十蚊澳門錢.....呢個係最好o既方法用埋佢....

夠鐘返屋企喇.....