31 Dec 2011

到左今年最後一日...要返工o既星期六...B仲要放假添...得自己一個人..

放工之後去做下運動....邊跑步邊睇電視播o既韓劇...
突然間好想食韓式炸醬麵...於是過左佐敦間漢城....

等左咁耐....馬會終於都出android version....以後可以隨時隨地買六合彩 lu ....

原本今晚諗住食少d 野....阿媽話不如煮麵食....結果又係搞到好似打邊爐咁....

飯後甜品.....有homemade tart 一個...

冇新電話買....但而家呢部又唔係好掂...好唔好學人root 左部機...裝過個os 呢?

30 Dec 2011

尋晚見到減價...一次過買兩罐...今朝可以食豪 d ...哈哈..

呢兩日都唔知搞乜...公司好多濕碎麻煩野....搞到放工時都好攰....
尋晚冇買d 乜....只係買左包 CJ 餃子....再加d 菜....又一餐....

今晚屋企又去左食buffet....真係食得好密......加上今日好心煩...都冇乜胃口...
戰鬥力好低....食唔夠幾round 就收手....

29 Dec 2011

月頭食得好...月尾就要挨麵包...好在仲有幾日就挨過...

今日下晝都繼續係呢個飯...冇法...煮開就緊係一次過煮多d ....

休息一天...唔做運動....放工趕得切去食tea....慳番筆...

之前o既其中一份聖誕禮物....係環保memo pad ...塊silicon可以寫完再寫...都真係幾好o既concept..

28 Dec 2011

連續放左11日假...今日要返番工...仲要返早添...真係好唔慣...
趕頭趕命返到去....都冇時間買早餐...要動用儲備....

之前收到C 送俾我....佢親手做o既陶瓷....攞左番公司做筆插....

放左咁多日假...枱面有一堆就係必然....唔知係咪用得腦汁多...所以特別肚餓呢.....

放工o既時候...雖然有d 攰...不過都要去做下運動....之後再去吉野家補充一下...

27 Dec 2011

聽日就要返工...今日專登早d 起身...調較一下生理時鐘...
可惜較到自己果個...較唔到阿媽果個...結果都係自己煮個麵食就算...

食飽訓o係張床...唔想起身...連電視轉台都懶....所以睇左成朝劉家昌....發現左兩樣野...
第一...差d 唔記得左原來任賢齊係歌手黎...第二...以前作詞真係易...幾句野不斷重複又係一首歌..

頹廢左成朝...下晝都係要勤力番少少....去做下運動....
跟住再食番個薯仔沙律..其實...我除左係蕃薯怪之外...我仲係一個沙律狂...

聽到有個新發明....咸蛋糕....為一個嚴重糖尿病o既病人而設...唔知食果個人有乜評價呢....

要返工...即係要煮飯....又係時候準備聽日o既飯盒....煮多d .... 今晚都有得食..

飯後甜品...之前買俾自己o既聖誕禮物...蛋奶酒酒心朱古力....
個樣睇落幾吸引...不過可惜裡面d 酒心係糖漿狀..唔係我想像中一咬落去會流出黎果隻..

26 Dec 2011

慘喇...假期就快完結...但一日比一日晏起...點返工呀...

繼續執房行動 part 3 .... 居然發現呢部超舊 HP ipaq .... 已經係好幾代前o既電話黎..

除左部舊電話之外...仲搵到消失多時o既大學畢業證書....
佢o係呢個時候出現....唔通個天想我轉工? ..... 呵呵呵...

執野執到攰...落街買個腸粉食下先....

跟手換埋個新 keyboard + mouse ...舊o既 logitech 都用左好幾年....試下新野..用microsoft...

去左太古城行左個圈...順便去澳門茶餐廳食dinner...今晚成機搶錢...竟然要加一....

25 Dec 2011

可能因為尋晚飲左d 酒...所以好好訓...訓到成十點幾先起身...又係早午餐一齊食..

又要去做下運動...不過咁鬼凍...要用好大o既決心先可以出到門口...

尋晚缺席左另一個party...不過有人留起左d 葡式乳豬飯.....正...好味道...

今日係近年來最凍o既聖誕節...冇野好得過留o係屋企打邊爐.....

今年聖誕都收到唔少禮物.....好開心....

24 Dec 2011

尋晚...屋企樓下有小販同食環署o既人爭執...擾攘左成晚...真係好討厭..

已經係連續第三餐...同一個地方...又一個早餐...

繼續執房行動...執舊衫時...竟然見到以前做part-time時o既制服...唔經唔覺已經好多年..

真係勤力...執野執到唔知時間...求其整個杯麵當lunch....

今晚約左去姑姐屋企開party...每次佢都例牌買好多野食...
驚緊d 野食唔晒o既時候...原來佢叫左兩個朋友一齊黎...好彩o者....

原來佢果兩個朋友係韓國人黎....兩個都係好有趣o既人...
大家玩得好開心...真係好耐冇試過飲咁多酒....好在都冇飲醉到..

23 Dec 2011

點解臨到聖誕先黎唔舒服...一訓醒...隻右眼唔知做乜腫腫地...

跟住又同阿媽去同一間餐廳...食番同一樣早餐....

行左陣....經過登打士街間燒餅店...買左d 返屋企...
唔知係咪d 藥力o既關係.....一返到屋企就好眼訓....訓飽又再食....

食飽又訓...訓飽又食...又冇去做運動....都要做番少少野...消耗番d ....
執下間房..掉下 d 垃圾...好耐冇見過枱面喇...不過今日都只係part 1 ...過兩日要繼續努力..

雖然今日好似冇乜做過d 乜...但時間反而過得仲快....咁快又食晚飯....

check下 d 易賞錢....無端端多左好多...先至醒起...之前金星小姐話佢去買電器...
但佢冇易賞錢咭...所以將d 分入左我戶口...真係多謝晒....