30 Sep 2012

終於正式開始我o既假期....所以要訓晏少少....先同阿媽落街食早餐...

尋日阿媽見到我買左件羽絨背心....佢話佢又想買.....所以同佢出左尖沙咀....
我細佬又一齊去.....結果佢地o係Uniqlo 買左一大堆野.....

去左翠華食個 tea ...當係lunch.....估唔到而家翠華都有 All Day Breakfast 食喎...

之前買定飛....今日下晝去睇賤熊......真係好抵死好搞笑....有d 橋仲真係幾賤添...

今日真係幾忙....睇完戲....又要過去佐敦....因為book左場打羽毛球...
見仲有d 時間.....去踩一陣單車.....當係熱身....

雖然只係打左一個鐘......不過都好攰....

之後當然要去補充一下啦.....好多餐廳因為中秋...所以早收....最後去左食大排檔...仲要啤一啤添...

唔止.....跟住仲去左佳佳食甜品.......超滿足....

29 Sep 2012

越來越早醒....橫掂都要返工....不如早d 返去...o係canteen慢慢食個早餐..先返去開工..

尋日出左力做野....今日收到個email reply....雖然可能都只係禮貌上咁做...但都頓覺有d 安慰..

下晝放工....過左去尖沙咀...因為o係報紙見到Uniqlo d 羽絨背心減價...
師奶心態作祟........即刻過去買番一件先.....

跟住o係City Super食番個 late lunch....

有d 攰...今日唔做運動喇...留番d 力黎緊兩日去打波.....
不過臨返屋企前....攞d 換票証去買定聽日o既戲飛先.....

今晚屋企都係叫飯盒.....又係果間....真係要搵下有冇第二d source 可以叫外賣...

呢位大叔....由韓國 hit 到去外國....我都懶得去搵黎睇....今日終於無意中睇到...又真係幾搞笑...

28 Sep 2012

今朝要開會...所以早d 起身....去買定早餐...
返到公司慢慢食..... 唔使趕頭趕命咁....

原本短短一個例會.....竟然一開就開左個幾鐘....仲有少少火藥味添...

開完咁長o既會.....都差唔多夠鐘食lunch......今日去左新釗記...食好耐冇食o既芙蓉蛋飯..

成個下晝要幫高層整野.....遲左d 放工.....遇上健身室提早收...不過都唔好偷懶..做得幾耐就幾耐...

急急咁做左一陣運動...就去食野..

過兩日又會去打羽毛球....要去買番d 羽毛球....所以過左波鞋街.....
經過肥姐........雖然排晒長龍......但都要買番兩串.....好好味呀....

27 Sep 2012

o係麥記買左個包返公司食...點知一攞出黎...
差d 成個包都跌左出黎...張紙同個包完全係分開...根本包實..

上網search 野....見到個蛋糕....先知原來Google 14周年生日....乜原來已經咁多年架嗱..

尋日返到屋企除左煮左個麵之外...仲見到阿媽有d 炒飯剩左o係度...
於是開罐粟米...開罐咸牛肉....就成為今日o既lunch.....

放工冇去做運動.....因為去左睇中醫....

跟住過左去天樂里對面間南記食晚飯....估唔到質素同灣仔果邊果d 差咁遠....d 湯底完全冇味...

終於收到Simon 之前o係台灣幫我買o既龍角散喉糖喇.....多謝晒...

26 Sep 2012

返到公司....突然俾徵召....要入去高層會議裡面做 demo.......
求其食兩塊麵包...跟住o係零準備之下....口疾疾咁完成左個demo...有驚無險...

尋晚出左去食飯...所以冇飯帶....自己一個出去買外賣.....都諗唔到食乜....事但買個兩餸飯...

放工時好攰....原本想唔去做運動...但諗一諗...兩日冇做....尋日仲食咁多野添...
都係去做下啦....跟住冇買野食返屋企....只係搵下個雪櫃有乜...就地取材...又慳一餐..

得閑冇野做....上網睇下日本o既交通.....準備一下旅行o既野....
真係佩服 d 關西人....d 交通路線亂成一團....佢地咁都可以搞得掂...犀利..

25 Sep 2012

外星人今朝早機.....帶住大箱細箱o既行李......返左佢個星球喇....

o係呢間公司做左幾年....不過去canteen買早餐o既次數....一隻手o既手指都數晒...
見佢新裝修左一排....都冇上過去幫襯.....今日即管幫襯下啦....

lunch 又係利用屋企o既物資整o既飯盒......不過專登食少d ....

因為夜晚約左舊同事去食放題......都好耐冇見過佢地......
傾得好開心.....又食得好飽.....不過可惜其中一個因為病左黎唔到...希望下次可以齊人啦..

24 Sep 2012

唔經唔覺...將樽花生醬遺忘左.....今日攞番佢出黎...

以物貿物....o係外國就聽得多.....不過今日o係同事口中....
先知道原來香港有左好耐....而我地就好似發現新大陸咁...好新奇...

之前剩番o既餸....我再加d 減d...........咁就成為我今日o既lunch.....

有vendor 送左冰皮月餅券俾我地....今日同事出左去攞.....下晝o既 tea 有著落...

今日set 左個目標俾自己....一定要完成手頭上面o既工作....所以破釜沈舟....連運動衫都唔帶...
準備放工留o係度做埋佢...點知比預期做得快.....可以準時走人喎...買番個悶蛋但百食不厭o既晚餐..

雖然遲左報名....不過好好彩......報到呀.....準備再上羽毛球訓練班....

23 Sep 2012

尋晚成晚都訓唔著.....臨天光時訓左一陣....轉頭又醒左....
不如早d 起身熨衫啦....不過我個蒸氣掛熨唔知去左邊...迫住要用番個舊熨斗..

阿媽話有一排冇去香港仔魚蛋食早餐....所以今日想去....點知一去到...
個個侍應都埋黎問佢做乜咁耐唔黎....睇黎佢真係去得太多...去少日..果度d 人都唔慣..

食飽早餐....休息一陣....夠鐘過去奧海城睇戲.....
之前都聽到d comment 麻麻地..不過睇開之前幾集...都要去睇下o既...但真係有d 悶囉..

聽過好多次董家牛肉麵....聽講o係奧海城food court 開左一間分店...
滿懷希望咁去試....點知.....完全唔得.....d 湯底淡到好似水咁...

今晚又去打羽毛球.....今次多左兩個新對手.....Ray哥同埋Tim哥.....
玩得好開心......可惜得一個鐘.....如果可以打耐d 就好...

之後落左去樓下街市食泰國野......咁又一日lu......收拾心情....聽日又要開工...

22 Sep 2012

有兩張奧海城百老匯o既貴賓券.....所以自己一個人一早過左去...買定聽日o既飛...

原來果度做緊個展覽.....係關於香港街頭o既街市......都幾特別....
因為自從d 街舖上晒樓之後.....呢d 特色o既舖頭都買少見少...

順便食埋早餐....o係food court 間 Toast Box 食野....
第一次o係 Toast Box 食早餐...相比起新加坡....d 款式真係好少...

o係奧海城行左陣.....就返屋企攞衫.....去做運動.....
之後自己一個過左去深水埗.....又去左食好好味o既腸粉......

今日都唔知點解咁熱....由深水埗行番屋企.....行到成身大汗....
都唔想再出去.....沖個涼....o係屋企等食....