31 Jan 2012

尋日冇乜時間食早餐...今日終於好d .... 可以慢慢食...油占包真係好味道...

不過跟住落黎...都唔好得好多....不停做做做...好快又夠鐘食lunch....

食飽飽之後....爭取時間出去行下...行行下去左超市...見到d 韓國士多啤梨都幾靚...買番盒黎食下...
尋日食果幾粒仔燒肉都俾人話肥死我.....我諗.....今次唔使死喇卦....

近幾晚都訓得唔好....今晚放工去左睇中醫....平時放工時間一定有好多人....
不過今日竟然一個人都冇...由見醫師到執埋藥....都係十分鐘多d....真係奇怪...d 人去晒邊?

原本諗住返到屋企樓下先買野食...不過經過見到上次冇開門o既餃子源....突然好想食...
可惜得我一個人....又想食炸醬麵...又想食餃子.....但又好似太多喎...只好放棄其中一個...

30 Jan 2012

終於要返工喇...公司啱啱換左server....預左今日會好忙....
不過估唔到竟然連早餐都唔夠時間食....唯有快快趣趣食兩塊麵包...

電話響過不停....講到連口都乾埋.....轉眼間又就夠鐘食lunch....
大家連買飯盒o既時間都冇....B只係食杯麵....好在我自己準備左呢個粟米雞粒通粉....

匆匆食完個飯盒...仲有d 時間...可以出去行個圈....
做得咁辛苦.....同B 去買定下午茶先......

雖然有d 攰...不過都冇偷懶...照去做運動.........再去食埋個麵...

其實我都唔知應該初幾先拆利是....不過見儲左一堆....都係拆左先.....
年紀越來越大....就越來越少利是....但今年冇乜拜年o既情況下...收穫都算ok啦...

29 Jan 2012

尋晚為左睇呢隻碟...搞到好夜訓....不過都幾值得...因為真係好好笑...

因為夜訓o既關係...今朝又係好晏先起身....於是skip左早餐...直接去食lunch...
想試好耐...終於去左apm 呢間麵屋武藏..黑蒜油湯底幾正...但七十幾蚊得一片叉燒...好似貴左d 喎...

食飽之後又要去做下運動....不過費事俾阿蕃邦王子又話我變態...所以今次冇影相..
跟住好忙碌....又要去買餸煮飯盒....又要山長水遠去太子地鐵站買壽司食.......好攰....

早排睇雜誌話食醋黑豆對身體好...諗住試下...以前日本興起o既時間..就周圍都係...
而家原來好難搵...阿媽話o係八珍見到...但過年又話收起唔賣住....今日終於買到喇...

呢個長假期....今日又到左最後一日...因為聽日要返工...所以今晚都唔想周圍去....
留左o係屋企食飯....見到枱面上o既餸....有d 驚訝....睇黎阿媽係煮開大鑊飯....

28 Jan 2012

做乜事呀??? 三點幾就醒左....一直訓唔番...等到天光先再訓到一陣...

再訓醒o既時候...已經十一點....又係早餐同午餐一齊食...

跟住又要去做下運動....還番早兩日食左咁多野.....

下晝有少少時間剩....諗住過去新浦崗個mikiki行下....開左咁耐...都係第一次去...
醒起彬仔住o係附近.....所以叫埋佢出黎.... 食番餐飯.....

之後齊齊過左銅鑼灣....佢去辦佢o既年貨.....我就又再約左d 朋友食飯....今晚係食越南野..

27 Jan 2012

晨早起身...睇下報紙...發覺啱啱果期六合彩冇人中....
下期有成七千萬.....即刻上網買番兩注.....

跟住食番個早餐...三塊芋頭糕 + 一條蕉......

食左500個卡路里....拿拿臨去跑下步....不過消耗得400卡路里.....
其實計落條數.........我算唔算係賺左呢

做完運動....返屋企休息一陣....又要出動去拜年.....先去飲茶...再上朋友屋企....

大班人圍埋一齊....最好就係攞d game出黎玩.....其中一個朋友帶左呢個大富翁紙牌....
之前見過好多次....不過今次係第一次玩....玩左兩舖....都係我贏呀....

之後仲學左玩鬥地主....facebook興左咁耐....我都係而家先學....
突然有人提議今晚去食韓燒...結果.毫無準備下吸收左跑幾次步都消耗唔到o既卡路里.
.

26 Jan 2012

請多左兩日假...可以唔使返工住....不過今朝依然一早起身...煮番個熱辣辣o既麵食...

食飽之後上網睇下報紙...見到呢單新聞好有同感...呢位仁兄有九個妹...搞到佢長期冇廁所用..
雖然我屋企得一個妹...但一個可以抵九個....唔知我屋企幾時先可以好似呢個人咁...多個廁所用呢?..

姑姐話想睇"逆戰"....所以買左飛去elements 睇戲....之前首先去對面間烏冬店食lunch...
隔離枱個哥哥條褲爆軚一直好尷尬咁望過黎...其實我地都唔係望佢..只係望佢d 野食好唔好食啫

估唔到呢套戲係咁長....有成兩個幾鐘...港產片似乎比較少見.....
套戲乜都有d .... 溫情, 動作, 特技樣樣齊....都算好睇.....我只嫌略長左d ....

睇完戲之後...行左陣就各自返屋企.....不過返到屋企都未夠六點.....
我阿媽竟然話佢連碗都已經洗埋......crazy..... 食tea 咩.....唯有自己落街買野食...

timeline o係 facebook 都已經出左一段時間.....不過好多朋友都未轉用....
facebook黎緊會將所有用戶都自動轉timetime....未整o既朋友....快d 預d 時間set番好晒d 野喇...

25 Jan 2012

一日比一日凍....真係唔願落床...一開電視睇到原來做緊叱吒....
記得以前每年都會現場睇....而家冇咁o既機會lu....不過其實都已經冇以前咁好睇..

繼續唔願起身..上網睇下報紙...睇到呢段野...一個人個friend list有幾百個人.但知己只係得一兩個...
其實真係好啱.....我都好想知道....到底我o既知己去左邊度....到底仲有冇呢?

時間已經唔早....想唔起身都唔得....因為開始有d 肚餓.......
呢幾日食左咁多肥膩野........都係時候食清 d ......

食少d 都唔夠.....仲要去跑下步先得...

可惜.....跟住又破左戒.......連續三日去左深水埗......今日終於見番d 串燒檔...

而且仲約左朋友出黎食晚飯添......前功盡棄..

24 Jan 2012

去左人地屋企拜年...順便食埋開年飯....

繼續無所事事....下晝去左又一城行個圈....雖然好多舖頭都有開...
不過都係冇乜野好行.....只係o係LOGON 買左罐野飲....

尋日o係深水埗食完串燒...念念不忘....所以由又一城慢慢行落去深水埗....諗住encore...
可惜....今日幾檔都冇開....跟住誤打誤撞入左間喀什米爾咖喱舖....竟然又平又好味喎...

今晚返屋企食飯....去左超市買野加餸....

真係好夠....食埋呢餐....都應該要開始戒口....好飽好滯呀...