31 Mar 2012

收到PCCW 寄黎o既信...原來之前交多左錢...
而家cut 左...就寄番支票俾我....但點解我會唔知交多左錢呢?

今朝訓得好晏...呢頭入廁所梳洗...果頭阿媽打電話黎....話就快冇早餐叫...要叫定先...趕死..

姑姐突然約食飯...所以下晝過左銅鑼灣....
原本佢想去食南亞餐廳...點知原來已經搬走左...結果去左利舞台間皇后飯店

食飽之後行一陣....姑姐話想去Mega Box買野...於是過左九龍灣....
o係吉之島見到呢隻杯幾得意....如果真係其事....咁我一定會買番一隻....

之後再去apm 行下....見到馬拉松減價....有件之前幾鍾意o既風褸減價....
會員仲可以再九五折....好在之前正價時唔捨得買o者......

都出左一排....但等極都未減價....最後都係買左佢....今晚可以睇....

今晚去左費迪屋企食晚飯.......

30 Mar 2012

今朝仲有好充裕o既時間....心血來潮....炒番兩隻蛋...攞番公司夾麵包..

轉頭發覺...枱面又多左d 野....因為我早兩日話d 粟米腸仔食晒.....所以今日預先收到復活節禮物...

因為K 出唔到去食lunch....今日都係買外賣....去左買車仔麵.....仲買左d 燒肉同鴨腎加餸添..

放工如常去做運動.....跟住去食四寶河....食飽之後....去左百老匯試機.....
因為朋友話有部二手o既 Sony Xperia S...問我有冇興趣....我專登去試清楚d 機能先...

29 Mar 2012

呢兩日成日都眼花....睇到雪櫃入面有d post-it .....望清楚...就醒起係自己帶返去o既芝士..

下晝公司突然有野做....所以要出去買飯盒....去左新釗記買外賣....
點知...返到去時...情況更壞....搞搞下....搞到遲左成大半個鐘先有飯食...餓死人...

放工去左九龍公園做運動.....跟住去左好耐冇去o既唯一.....目的係食我好想食o既菜飯....

返到屋企...見到枱面有幾盒野....原來係親戚o係英國帶返黎o既手信....
又係呢d 邪惡o既餅乾......思想鬥爭左好耐之後....結果食左一塊就收手....

28 Mar 2012

返工時經過樓下間餅舖....竟然有啱啱出爐o既椰撻仔.....
原本諗住買定d 返去做tea...不過B 話要襯新鮮食先好食...結果變左做早餐...

原本唔諗住煮咁多餐...不過 d 料預多左....所以今日都係佢.....不過食晒架喇...真係食晒架喇...

B 食飽返黎...見仲有時間...話不如出去行個圈....點知....
去到7仔時....我地受唔住引誘.....買左LAM LAM脷做甜品....

爭扎左好耐....結果都係唔去做運動....早d 返屋企休息....
因為冇話俾阿媽聽返去食...所以自己買野返去....之前試過o既杯麵出左新口味....

返到去....阿媽佢地食緊飯....於是一齊食....我又可以有d 菜食下....食食下時....
阿媽攞左舊疑似芝士o既野出黎...話係佢跟明珠台學整o既芝士.....食左一啖..又似模似樣喎...

早幾日執野時...發覺左呢支紅酒沐浴露....應該係某年聖誕某朋友送o既....
放埋左一邊...差d 都唔記得....今日佢終於可以重見光明....

27 Mar 2012

食得d 有益早餐多....都幾悶....今日食番d 冇益野.......

某同事.....近排沉迷買LEGO.....今日帶左d 返黎...搞到我地無無聊聊咁玩左好耐...

今日繼續都係佢....不過食極都唔厭.....

感冒好似都係唔清....都係出去買d 藥....食住先....

尋日冇做運動...但又食左好多野....見今日精神番d....都係要去做一做...先再去食晚飯..

26 Mar 2012

點解好似冇放過假咁? ........ 又要開工嗱.....

尋日時間雖然係倉促 d .....不過都整左個好好味o既飯盒出黎....火腿粒蜆肉螺絲粉....
但係黎緊幾日都要對住佢地lu ...

唔知係咪因為最近天氣忽冷忽熱.....又好似有d 唔係好舒服咁....放工都係早d 返屋企休息...
阿媽冇預我食飯..話唔夠餸..於是我自己整個日式咖哩牛肉螺絲粉..不過所謂唔夠餸..咪又係放滿枱..

最近得悉...原來紅十字會而家有個系統....可以俾捐血者check 番自己o既捐血紀錄....
入去望一望....原來我差唔多三年冇捐血喇....我都好想去捐...不過鬼叫我成日都病咩...

25 Mar 2012

尋晚食剩好多野....唔好浪費.....今朝食埋佢...

跟住就要做野.......買餸煮飯....

邊整野...邊睇住個電視....差d 唔記得原來今日係特首選舉....其實我一直都冇留意...
我覺得只係一場鬧劇...邊個輸贏都好...而家完結左都係好事...起碼唔會再有失禮香港o既新聞出黎.

快手快腳整好d 飯盒....去做一陣運動........原來已經兩點幾....食番少少野先...至愛腸粉 + 五青汁

下晝去睇桃姐....因為難得阿媽突然話想去睇......所以用左d 換票證黎買飛...
我覺得套戲都幾好睇...冇特別感人o既場面...好寫實...不過就係呢d 淡淡o既感覺...更加令人想喊..

套戲都有兩個鐘長....睇完時係五點幾.....襯時間尚早....可以過去大角咀大排檔食晚飯...
如果遲左去....唔單止冇位....叫餸仲有排等....今日就時間啱啱好喇...

24 Mar 2012

討厭o既星期六.....又要返工...好在早餐有d 新意...B 去左買新釗記...

lunch 食過咁多次...不過早餐就未試過...呢個粥餐係就係貴d ...要成33蚊..
不過我就覺得物超所值....B 話睇到碗粥係生滾...而且好多料..腸粉d 蝦仲大大隻添...

放工去左做運動...跟住匆匆o係大家樂食個 tea.........

要趕住去送貨.......
世界真細小....收貨o既竟然係朋友o既表姐...不過大家唔係好認得對方...最後要朋友打電話黎confirm..

今晚都冇去街....返屋企食飯.....應該話係食麵先啱......

23 Mar 2012

屋企出面條走廊....突然出現左閉路電視....幾時開始...我楝大廈變得咁安全..

今朝難得一早出門口.....坐地鐵時....又冇乜人.....仲有位坐添....

冇準備早餐.....返到去....攞左個杯麵食....而家d 野真係越來越新奇....
出前一丁o既麻油....竟然唔係一包包.....而係一粒粒o係埋裡面...

下晝過去canteen 買飯.....又見識到d 新野.....麻婆豆腐叉燒飯....

老細今日放假.....冇皇管....我就慘遭人欺負................

放工又冇去做運動.....所以趕得切食tea 當晚飯....