31 Oct 2011

每次長周過後o既時間...都好似過得特別快...咁快又到星期一....
今朝公司有野要做...仲要比平時再早d 返去....唉....

尋日準備o既雞扒菜飯....其實我真係好鍾意食菜飯.....
而且煮起上黎...又好似幾方便...黎緊可以煮多 d .....

今晚都未有精神去做運動....放工可以去食個米線下午茶餐當晚餐....

今日已經請左十二月o既假...又係時候計劃下高雄之旅o既野......
我都好 enjoy 旅行之前o既 planning....每次旅行都會用盡所有時間...去我想去o既地方....

30 Oct 2011

之前聽 B 講話 ikea 有早餐食..竟然仲有egg benedict...
不過去到又話冇貨...我估....佢長期都係冇貨架喇..

食飽早餐都只係十點幾..Megabox d 舖頭好多都仲未開...於是行返去德福果邊...
竟然o係Piago 見到呢款日本限量版杯麵...即係通知 K 先...

行多一陣...覺得好攰...所以都係返旺角....
去左超市買餸...準備聽日o既飯盒....見到呢個牛肉飯只係10蚊雞...買埋黎做lunch..

平時冇專登追...不過我覺得真係幾好睇...尤其係歐錦棠同埋田蕊妮o既一段情..
今晚o既大結局...一定要睇....

雖然已經出左好耐....不過今日先第一次試...

製成品....今晚o既晚餐....黑蒜油日式雞扒豬骨湯麵....

29 Oct 2011

灣仔間分店開左咁耐...都冇機會去食...
而家金鐘開左..終於可以襯星期六返工...過去買早餐..

下晝放工原本諗住去做運動...不過因為尋晚訓得好差...食少少野就返屋企訓覺

一波幾折...終於決定左十二月頭去高雄...
今次又係用里數換機票.... 再加平酒店...又係一個budget tour...

夜晚去左朋友屋企打邊爐...又吸收左好多卡路里.......

28 Oct 2011

到左星期五...諗住食好d ...不過 KFC d 野...份量又少左好多...

下晝得我一個人食飯...匆匆食左個叉燒炒蛋飯...跟住去左書局睇下旅遊書...

圖書館搞左個活動...有d 小禮物送...呢個環保釘書機真係幾勁....
雖然我好早都知道有呢樣野....不過用就第一次...估唔到簡單按一下...但裡面竟然做左咁多工序..

要幫手測試公司個 network ... 所以攞左部notebook 同埋 3G手指出去出面公園做野...
其實o係而家涼涼地o既天氣....坐o係樹蔭下面做野...感覺好好...

放工要去牙醫度拆線...跟住o係附近食飯....冇得去台灣...食下台灣野都好過冇...

27 Oct 2011

唔夠時間買早餐...返到公司...整個即食意粉...

雖然個樣似麵多過似意粉....不過估唔到味道都唔差...

唔鍾意帶阿媽o既飯餸做 lunch ... 最主要係唔想夜晚食果d... 第二日又係食果d ...

死線將近.... 好在我o既工作都完成得七七八八....
不過要休息...我相信都冇乜可能.....好悶...好想去個旅行relax 下....

睇黎今個星期都做唔到運動....都係返屋企食飯啦....
不過阿媽今晚偷懶....落街買野食...結果我揀左腸粉 + 巨無霸o既個九唔搭八o既組合...

26 Oct 2011

尋日趕住走...做緊o既野冇save..為免第二朝返到去唔覺意熄左部電腦...
即刻打電話返去俾 B ... 叫佢幫我寫幾隻字提醒自己...佢真係做到野...

佢仲好保險添.......連部電腦都封埋....

今朝過左去大家樂買早餐...平時成日見到 B 食炒米粉都好似好好味...
不過....我買果時...以為阿姐攞錯左炒麵俾我...點解咁o既色...

阿媽習慣左煮飯o既份量都好多....阿妹走左之後...都繼續係咁...
剩番d 田雞飯...但又唔夠帶飯o既份量...我醒起好似仲有d 通粉o係雪櫃....

放工幫 L 同事去攞佢訂左o既書...我以為係乜野書咁巴閉...原來又係佢...

今晚都係未做得運動住...所以返左屋企食飯...結果又係超多餸....

25 Oct 2011

尋日休息左一日....好番少少....雖然未好得晒....但今日都要開工...

今日 lunch 得我同 B 兩個人食....去左好耐冇去過o既華南...咁耐唔去..
主要係因為上面閣樓有個惡人..去幫襯佢都仲要受佢氣...今次坐樓下...好好多..

講o既唔係餃子.... 係筷子先啱....
體力未回復...所以今晚唔做gym .... 去左買八方雲集返屋企食...

o係雜誌見到... HSBC 最近做promo...某d 消費有 5 倍積分....
睇黎已經封左塵好耐o既匯豐咭...黎緊又可以出動...

24 Oct 2011

尋日開始..個喉嚨痛得好犀利...今日終於忍唔住請假睇醫生..
醫生話係剝牙後遺症..據佢解釋..係因為整牙時會將d 菌散左出黎..身體吸左入去...
佢仲話...牙醫開俾我o既抗生素...其實好弱雞...現今有六成以上o既細菌都唔怕佢..

我諗今次隻菌真係好惡....唔只開左隻勁 d o既抗生素俾我..連咳藥水都double份量..

喉嚨真係好痛...乜都食唔落...所以下晝只係食茄汁豆夾麵包...

唔通真係個詛咒? 我一準備帶飯...第二日就返唔到工....
食左藥之後好左d ...夜晚食番原本帶返公司做lunch o既飯盒....

23 Oct 2011

今次呢個牙醫o既手勢都幾好...呢兩日都冇乜痛o既感覺....
不過雖然係咁....尋晚都要循例食番個剝完牙必食o既雪糕.....

雖然個傷口唔痛...不過食d 大件o既野始終都唔係咁方便...所以今朝冇得食公仔麵...

睇雜誌發現到...原來 windows 都可以 run 到 android o既 apps... 又幾好玩喎...

下晝做完運動...出左佐敦...行街前去左食翠華....凍鎮菠蘿油都唔錯....

尋晚食完翻尋味...所以阿媽又整沙律...再加埋我另一個"飛佛" .... 真係滿足..

22 Oct 2011

雖然今日唔使返工...不過都要早d 起身....而且仲要食飽 d 添...

因為之後要去剝智慧齒....有排都冇得食....
等左成個鐘...都未到我入去....心情越來越緊張....

因為牙根好深...所以要開刀先得....比想像中冇咁辛苦...
整個過程都算順利...但跟住要食足一個星期抗生素...

剥完牙....食熱野會好唔舒服....沙律 + 三文治就啱晒我喇....成機可以食生冷野.....

收到投票通知書...不過我對d 候選人完全冇認識....都係唔去投好過...