30 Apr 2013

今個星期特別開心....因為返左兩日工.....咁快又等到假期...聽日唔使返工...


尋日o既lunch食得太豐富.....今日要食番清d....去左樂農食素....


之後同事萬歲.....請大家食糕點做下午茶...


放工趕住去睇中醫......


跟住又要趕過海去游水班......今堂教練冇返....有個miss代課.....不過都冇影響我學習進度..
今堂又有少少進步.....叫做可以游到幾步....d 同學話我應該轉去上中班....哈哈哈...


每次游完水都好肚餓....不過都唔可以食太多.....


29 Apr 2013

返工途中.....見到我曾經好想買o既袋....隔左咁耐...都係第一次真正見到有人用..


晏左出門口....返到公司時間冇多....選擇都冇多....唯有食D 快野...


未諗到食乜之前...我已經決定左今日lunch要食好d....最後諗到同埋同事黎呢間bar.....
85蚊有四道菜.....再加野飲.....抵食之餘.....難得唔太多人....清淨又舒服...


之前買左盒苦瓜茶.....話可以消脂降壓....清熱解毒.....食左咁多野之後...啱晒...
我知.....自己厄自己嘛......尤得我啦.......


放工原本諗去游水....不過唔知做乜咁攰....算啦....留番d 力聽日上堂先游...
可能下晝食得太飽...都諗唔到食乜...行行下都返左屋企...只有d 剩餘物....事但啦..


28 Apr 2013

好耐冇同阿媽落街食早餐.....今朝一齊去食鮑片麵....


跟住再去超市shopping......


下晝約左姑姐去拜山.....之前先去上環食lunch....之前o係雜誌見到呢間越南野...
去試一試.....舖頭細細間....唔算好好坐....不過d 湯底就好好味...可以再encore..


食飽之後....o係附近行左陣......shopping.....
開心買鞋...唔開心買鞋.....總知係咪都買鞋....同姑姐每人買一對....


食飽又買飽....都係時候去拜山.....


夜晚約左Ray哥去睇戲...不過時間尚早....叫左佢一齊去西九...睇下吹氣公仔先....


再去美都食番個early dinner......


之前冇預先睇個故事.....只係知道大概係講兩代之間o既親情.....
冇乜高低起伏.....只係淡淡o既感情戲....不過結果我都喊左兩次....


睇完戲.....再去貴花甜食個甜品先返屋企.....


27 Apr 2013

鴨仔好快就黎喇....下個星期就可以見到...


阿媽唔想落街食早餐....所以我自己一個人落去....


跟住去左Citibank.....因為佢最近有promotion...只要開個出糧戶口....
就可以有幾千里數送.....個哥哥仲送左幾張coupon俾我添...真係好...


下晝去打波...不過阿海話黎唔到...所以臨時叫左Ivan黎打....仲有Eddie同埋Tim哥...
原先只係book左一個鐘....但係打完之後...竟然冇人黎攞場...於是免費打多個鐘...


阿海原來突然又唔使返工....仲出左黎...同埋我地一齊去食tea.....


食完野傾下講下...都差唔多五點.....但係返到屋企冇耐....又開飯...都唔肚餓....只係食左少少..


已經有一排冇呢d 著數....啱啱又收到.....


26 Apr 2013

星期五喇......終於就黎可以放假.....食番個好D o既早餐先...


越戴越鍾意呢隻錶......


天陰陰.....大家都唔想落街....所以叫新釗記外賣...


不過食完飯之後....個天又好似好d 咁....都係落街行下.....
o係萬寧....B見到呢舊野.....買左俾我....其實都唔知有乜用...哈哈...


放工去左剪頭髮....都係剪短d ....舒服d......


其實唔係好肚餓....不過心情唔好....好想買d 好耐冇食....又好想食o既野...


之前PCCW收我二千幾蚊罰款....原來就係為左呢舊野.....
明明話唔使收番....而家又話要收....好鬼煩....唔該快D 退番D 錢俾我呀..


25 Apr 2013

今朝完全冇乜肚餓o既感覺.....可能因為尋晚食得太多.....食番份細d o既早餐...


雖然冇乜胃口....不過一早答應左同事今日去食lunch buffet.....
我知實有人話我講廢話....不過....真係食埋呢餐....要休息一下...


放工如常去上羽毛球班....但係今次呢班d 同學....公司肯定好忙....成日遲一遲都未有人返...


打完波....去左食潮州野.....我可以肯定....我真係要停一停....因為真係完全冇胃口...


之前o係日本冇買到o既G-Shock....最終都係買唔到.....
不過眼前呢一隻.....其實都好好呀.....多謝好心人幫我o係日本買....


24 Apr 2013

好悶呀......又係果幾款早餐.....希望快D到五月中...
可以搬番原本個office..到時可以自己整下早餐...冇咁悶...


原來之前推薦朋友申請信用咭o既里數獎賞....已經入左落戶口....又多三千里.....


有一排冇食車仔麵.....今日落樓下買外賣返去食.....再加支香蕉豆奶....


尋晚出左去食飯....冇睇到.....邊食lunch邊追番....咁鬼深....睇少集都唔明.....


近排真係食好多野.....今晚約左另一位朋友去左食放題....睇黎都要開始食番少d....


23 Apr 2013

今日好想食蘿蔔糕....所以叫左蘿蔔糕+粥....不過個西洋菜粥裡面....
竟然係有豆豉味.....再試清楚之後....我地懷疑應該係尋日o既豆豉排骨賣唔晒..


前L同事走左大半年之後....竟然再回歸我地公司....
不過已經係第二個部門o既同事....今日下晝約出黎食餐飯聚一聚...


放工有好多野做.....首先係去睇中醫.....


不過今日唔知點解要等咁耐先有得睇.....搞到我趕頭趕命咁去尖沙咀上游水班...
今日教練話我進度唔錯....唔好浪費時間...可以同d 進階少少o既同學一齊練...


之後約左朋友食晚飯.....傾左一陣......但轉眼又十點....都係快d 返屋企....