31 Jul 2011

睇黎阿媽都食厭左之前間餐廳.....終於肯轉去第二度食早餐....

同阿媽去朗豪坊行一陣....跟住就去左gym room 跑步
一邊跑....一邊諗住 d 腸粉.....結果自己一個人走去深水埗食合益泰....順道行埋黃金

今朝上磅...又輕左 d .....所以今晚俾個借口自己....同屋企人去左牛陣食 shabu shabu

行返屋企果時....見到 d 行李牌....阿媽話要買番兩個俾我阿妹....

睇埋早兩日買o既 U Magazine ..... 見到呢個咁可愛o既便當....真係好好笑

30 Jul 2011

話咁快又到長周....今朝因為時間太趕.....都係去凱施買份三文治就算

收到 Poly alumni o既newsletter .... 原來今年 Poly notebook roadshow 係賣 acer 同埋 lenovo
之前有一刻諗過....如果有部平平地o既 android pad 都會買番部....不過而家似乎唔多吸引

既然遲早都要用......咁不如早d 接受現實......轉左喇

下晝放工....去左做運動......但之後又去食番 d 超肥野......菠蘿油

可能因為尋晚又訓唔到o既關係.....返到屋企之後.....好眼訓....一訓就幾個鐘
訓醒之後又開飯喇......我阿媽煮餸o既份量真係越來越重手....四個人食八人份量

29 Jul 2011

食左幾日自製早餐.....今日係時候食其他野....
不過唔知係唔係少左出去買早餐.....突然覺得廿幾蚊個早餐好貴

尋日已經 book 定枱....今日過去藝術中心間黑麥食lunch
結果又食左成一百蚊......下次好想試埋佢個 burger

食飽之後.... B 要去 7 仔買d 野....見到呢班 cosplay 人
睇新聞先知原來動漫節已經開始左

返到屋企....見到大廈貼左張 notice ..... 終於都唔使俾 PCCW壟斷...有多 d 選擇

今日好攰....取消做運動o既念頭....早 d 返左屋企食飯

早兩個星期都有突發o既野....搞到我坐唔夠一百蚊.....不過今個星期終於換到喇

28 Jul 2011

突然醒起....櫃樋入面有個伊麵王就過期....所以今朝整左個腿麵黎食

最近返工時...發覺好似多左份免費報紙.....L同事今朝借左俾我睇.....

炎熱o既天氣....搞到大家都唔想行得遠....於是去左統一間快餐買外賣
點知 d 焗飯竟然係出面交黎.....仲要賣相同味道都麻麻地

放工時專登過一過尖沙咀.....因為blog友 amour 知道我鍾意食 kaya
所以將佢收到o既手信轉贈俾我......多謝晒

出到尖沙咀....順便去九龍公園做下運動....之後無意中發覺....原來佐敦都有新森林
不過作為焗の專問店.....佢 d 焗飯就真係令人失望喇

原來 Yahoo Blog 將會upgrade......不過睇落新版面麻麻地...而且冇左好多功能
但係我地根本冇選擇......過多一段時間就被迫轉晒過去

27 Jul 2011

收到糧單......即係出糧o既大日子.....俾個借口自己食好 d

見到 K 同 B 個石鍋烏冬...... 真係睇到都想流汗

今晚要出席壽宴...... 都係果 d 油膩野..........未食都已經飽定先

26 Jul 2011

尋晚都係訓得麻麻.....今朝....遲左少少起身....

下晝要去攞掛號信....原本 B 同 K 已經o係華南坐低左等我.....
不過個侍應竟然話未齊人冇得霸位...將我個位俾左人....咁我唯有自己買外賣

原來而家除左可以去戲院睇戲同睇波之外.....仲可以去睇 catwalk...
雖然我冇乜興趣.....不過聽落都幾有趣

今晚又係過樂富睇中醫o既時候.....順便去 UNY 個超市買飯盒食

25 Jul 2011

食左咁耐果jam同醬....今日帶左 d 火腿同芝士返公司....終於可以轉下口味

Asia Miles 真係唔係好得....成日都入漏數俾我.........好在我發覺到啫

夏天到底幾時先完??? ......一日熱過一日.....出去買飯盒...一來一回.....成身濕晒

返日文前去左買麥記.....因為我唔多飲汽水同食薯條....所以好耐冇買過餐
有樣野唔係好明...,,巨無霸餐明明寫住$25 ..... 但點解只係收 $20 o既呢？

24 Jul 2011

其實去邊間茶餐廳食早餐....分別都唔大....選擇都係一樣
我諗.....我應該戒食沙爹牛肉

下晝約左一班朋友出黎....去左尖沙咀牡丹庭....食任點任食點心
雖然係任點任食.....不過原來飲茶真係唔食得幾多......食左o既份量同平時都差唔多

今日好熱....飲完茶就想即刻返屋企.....按照慣例今晚阿媽都係唔煮飯....

今日收到阿君俾我o既台灣手信....其中有我好鍾意o既李儀太陽餅....多謝晒

23 Jul 2011

成晚都訓得唔好....斷斷續續咁訓到十點幾起身
見到有 d 咁o既無聊野......睇黎我阿妹個心都已經過左英國

落到街食早餐....都已經十一點幾.....

食飽就去做下運動消耗番 d .....之後諗住過灣仔去書展行個圈
不過o係灣仔地鐵站都已經 feel 到有幾多人....最後都係放棄.....
去左瑞士咖啡室食個lunch...... o係附近行下....咁又一日

o岩o岩先發覺....戴左幾年o既 Polar 錶.....斷左條錶帶.......唔知有冇得救呢....

22 Jul 2011

做乜今日會咁熱架.....行到返公司時....好似啱啱沖完涼咁....

B 真係講得無錯.....頭條日報係多好多 coupon

今日 K 小姐放假.....我同 B 去左山長水遠o既華星冰室.....
好好味o既清真牛肉通同埋炒滑蛋

我估 B 真係做得好辛苦....食完個餐之後...話好似唔係好飽.....所以....

返公司途中....o係 circle k 見到佢.... B 話想試新野....問我飲唔飲
好在我話只要試一啖就夠...真係難飲到...感覺係一支怪味o既以羅菓子鹽

今日遲左 d 先收工.....不過照原定計劃去做下運動.....之後當然不忘補充番下啦