跟住出發去海洋公園....而家d 門票咁貴....已經好幾年冇去lu...
不過今日費迪生日...可以免費入場...仲可以半價帶多個人入場添...好抵..
裡面d 設施都唔同晒....一入去就係海洋奇觀...
比起以前海洋館係冇咁壯觀...不過咁多魚游黎游去o既情景...一樣係咁靚...
最近新開o既香港老大街....其實多數都係小食檔同埋攤位遊戲....都係賺遊客錢o既地方...
都係快d 坐纜車過對面...玩機動遊戲好過.....除左原本果d 遊戲...原來仲起左好幾個新遊戲..
呢個睇落好得人驚....成個人會180度調轉....不過玩落其實又唔係咁驚...感覺仲幾得意...
再接住玩埋另一個.....我覺得係炒環球影城o既game....不過刺激度就差得遠...
又熱又攰....係時間坐低休息下...食下野....不過裡面d 野認真貴.....
好在因為生日...有幾張coupon...其中一張買野食有八折.....但都買左一舊水有多...
食完lunch....咁啱原來就夠鐘睇海洋劇場....食lunch o既地方啱啱o係附近...可以霸到個好位...
海獅同海豚依舊都好得意好可愛.....不過冇左以前細個睇o既殺人鯨...總係覺得欠缺左d 野...
休息夠之後....再去玩多次過山車....雖然唔係好刺激...不過既然冇乜人排隊...玩下都無妨....
轉眼間都已經四點幾....玩左好幾個鐘...都係時候走喇....坐番纜車過去...
幾年冇黎過....感覺轉變左好多.....下次再黎....唔知又會係幾時呢？
出到金鐘...再轉地鐵返九龍...都只係五點鐘多d.....不過唔想再行...都係早d 去食晚飯啦...
之前o係爭鮮買外賣就試得多....去佢d 舖頭食迴轉壽司都係第一次....
比外賣貴少少....不過款式就多番少少....價錢合理...食左十幾碟都只係百四蚊埋單...
咁早食飯...唔知今晚會唔會肚餓.....買定d 士多啤梨做宵夜....
去海洋公園會o吾會重拾兒時樂趣﹐少一份驚喜﹐多一份回憶。有人陪就點都會好開心。
回覆刪除今朝聽收音機個醫生話食得多生野會好易患胃癌﹐所以﹐日本人比較多有胃癌﹐都o吾知真定假?
士多啤梨做宵夜=>又几好建議o窩
[版主回覆03/18/2012 20:52:21]其實我細個都冇乜機會去海洋公園, 所似都唔太多回憶
食生野, 不嬲都唔係咁好, 不過好日都唔會食, 都冇所謂
食少少, 又唔會太飽, 幾好架
生日可以免費入場咁筍?? 係咪一直都有架? 咁我要plan吓生日返HK.... btw你pack士多啤梨要幾錢架?
回覆刪除[版主回覆03/19/2012 08:38:17]近呢兩年都有呢個優惠, 不過唔知你返黎時有冇喎
我屋企樓下d 士多啤梨, 一般都係廿蚊至廿幾蚊盒
代佢多謝你
[噢!地利 Oh!tria回覆03/19/2012 02:18:53]Happy Belated Birthday to費迪
Last summer 用左D 飛行哩數換左海洋公園入場卷，不過熱到死死下都無乜點玩
回覆刪除[BK回覆03/19/2012 12:13:52]因為就到期又無乜好換
[版主回覆03/19/2012 08:38:54]用里數換海洋公園飛, 好似浪費左d 喎
我好似去過2次海洋公園咋...但2次都係陪人去..所有機動遊戲都唔係我杯茶,所以印象模糊..生日有免費既..咁就輪到我啦.不過我都唔會去囉
回覆刪除我寧願食多d士多啤梨好過啦...梗係點埋古力仲好啦
[版主回覆03/19/2012 15:09:29]係呀, 我真係病, 而家就去睇醫生
[毛豆回覆03/19/2012 12:08:03]你真係好多廢腐之炎喎....好病囉
[版主回覆03/19/2012 11:22:29]海洋公園點會啱你喎, 你d 闊太去下名店high tea 下仲好啦
嘩，生日去海洋公園玩好抵喎！我後生果陣好鍾意玩機動遊戲，不過而家年紀大左無咁鍾意玩啦！因為轉得多會頭暈！
回覆刪除[版主回覆03/19/2012 15:10:10]你而家年紀都唔算大啫
海洋公園d食物都好似全炸!!
回覆刪除Happy Birthday to both of you!!
[版主回覆03/21/2012 09:34:49]全部都咁貴, 其實冇乜選擇, 食炸野得黎, 都好過食麥記啦
多謝呀