29 Feb 2012

今日除左食麵包....仲有麥方脆.....好耐冇食...好有新鮮感..

諗緊下晝食乜....B 話不如去悅木食越南野....我話book 到先算啦....
點知...竟然又book 到喎....去到先發覺....佢d 生意差左好多...唔怪得啦...

我唔記得左....以為已經踏入左三月....睇一睇個日曆....先記得今日係2月29....
醒起尋日有個電視節目....講d 2月29出世o既人....每四年先有一次真正生日..真係慘..

又有人走.....

懶左兩日....今日要去做番運動....跟住過左屋企附近間小食店食野....
間舖頭其實都開左好耐.....今次都係第二次去食....其實附近真係太多野食...都試唔晒..

Air Asia 好似要self check-in先唔使收手續費.....所以今日check-in 左先....
因為本身冇包飛機餐....所以原本諗住食飽先上機...不過原來都係廿幾蚊一個...都係book埋啦..

28 Feb 2012

食過美心o既麵包....都係發覺咁樣抵d .....

尋日俾人屈完....即刻搵番張會員咭出黎....今日打電話去馬拉松客戶服務.....叫佢幫我搞番掂佢..

今日約左好耐冇見o既舊同事阿Kat 食lunch....佢話好想試下呢間LA Creperie...
其實我之前成日行過.....都好想試下......所以舉腳贊成....

set lunch 除左咸o既 crepe 之外....仲有一個甜o既 crepe.....兩個都一樣咁好味...
最初驚得咁少野唔夠飽....不過又估唔到原來可以咁飽....跟餐o既 apple cider都好好飲...

今晚冇去做運動....見時間咁早....可以博一博....去美而廉睇下有冇位....
自從佢話左會結業之後...日日都排晒長龍.....好在今次夠早....唔使等...

其實預左呢d 情況下....d 野食都應該不美亦都不廉架喇......不過當係個紀念啦....

27 Feb 2012

自從有左個雪櫃之後...原來已經好耐冇去美心買麵包食...竟然貴左咁多...

今日Yahoo Blog 又唔知乜事...有d 圖唔見左...但人地又話睇到...得我自己睇唔到...古古怪怪..

咦...有人o係我個位度收埋左d 野.....係我早兩日話周圍都搵唔到o既粟米腸...多謝晒...

下晝諗都唔使諗....就去左新釗記....d 野食平均黎講都幾好食....
次次都仲有好多野想試.....唔知試多幾多次先食得晒呢.....

食飽之後...去左超市入貨....個雪櫃唔使咁空洞喇...

放工過左海港城...去睇下o係波鞋街買唔到o既運動衫....點知o係Giga sports換來一肚氣..
佢地自己搞錯左...將第二個人o既資料入左我個電話number...仲話我盜用人地張會員咭添

原本諗住去做運動....都搞到冇心情....都係去食飯好過...

26 Feb 2012

尋晚無端端失眠...臨天光先訓番....所以再訓醒時....早餐已經冇乜選擇...

之後又係周圍行下.....原來旺角間實惠就黎會搬....阿媽襯佢搬之前去搬隻鑊返屋企....

行到咁上下時間....又係時候去做運動.....去左澳洲幾個月o既傑仔返左黎....
見到佢肥左幾個碼....我都應該引以為戒.....不過見到鍾意o既韓式炸醬麵...都係食左再算.

.

嘩....引誘一浪接一浪.....又一次失守....

今日真係凍左好多....都唔想出街.....留o係屋企.....阿媽話煮麵食....不過當然又係....

25 Feb 2012

好似唔係好肚餓....咁啱阿媽又係....所以叫一個豐富d o既早餐...兩份食...

尋晚睇晚間新聞.....方健儀突然一句 "多謝支持, 後會有期"....即刻嚇左一跳....
上網搵下發生乜事....原來尋晚係佢最後一次報新聞....我喜愛o既主播又少一個lu...

冇乜野做...出去行下....o係馬拉松買到條平運動褲.....本身八折...再加會員再九折....好抵...
原本o係波鞋街都睇啱件衫....不過原來果度d 舖頭全部都冇試身室...個個都叫我就咁穿黎試..點試呀

行到好攰....去食番個輕盈 tea 先....

今晚都冇出街....留o係屋企食飯....

24 Feb 2012

唔經唔覺.....已經食晒個雪櫃入面o既野........即係又係要入貨o既時候...

尋日煮左阿媽d 剩餘物資....所以今日下晝有生菜魚肉....再加一個細size o既福麵...

電話條叉電線壞左....食完lunch之後去左電腦城買.....
而家d 野真係越來越貴...以前十圓八塊o既usb 線....而家竟然要賣三十蚊....

下晝食少少.....再加番個鬆餅做tea....咁就啱啱好喇....

好在我醒目....臨走時睇下健身室個schedule....原來今晚旺角又冇得做....要去尖沙咀...
做完運動之後....去左上次食過一次o既茶餐廳食煲仔粥同煲仔飯....

有好多時....成日幫襯住o既小店....我地都唔會知佢叫乜名....
就好似呢間我o係旺角做完運動....成日都會去o既糖水舖....睇雜誌先知....佢原來叫浩記...

23 Feb 2012

外星人畫o既神秘圖案.....又出現o係我個位度喇.....

尋日任性左一次....掉低左d 方包....去左買麥記.....今日又要繼續挨麵包...

過幾日就出一次事......今次到個 累積瀏覽counter 唔識累積.....

下晝再去新釗記食lunch.....見好多人都會叫梅菜扣肉....好似好吸引咁....
其實平時o係街我都好少叫呢d 野....因為怕會太肥.....有理冇理叫左先....點知又唔肥喎..

今晚冇得做運動....因為要早d 返屋企.....打俾阿媽問下佢煮飯定落街食....
點知佢決定放棄d 餸落街食.....去到紅螞蟻....啱啱趕到叫下午茶餐...

返到屋企....見到阿媽d 餸....諗起可以煮聽日飯盒.....順便可以煮少少菜而家食添...

早d 返屋企o既目的....係因為今晚PCCW 要上黎收番Now TV o既modem....
雖然用左好多年....不過近年都冇乜時間睇....索性cut 左佢....慳番d 錢....

22 Feb 2012

尋晚結果做到成十一點咁滯....呢頭返屋企...果頭就訓....眨下眼又返工...

尋日去換外幣時....經過間新餐廳....今日專登去試.....不過....
我估呢次係第一次亦都係最後一次....成八十蚊個餐....野食麻麻...仲要份量勁少...

食完好似冇食過野咁....唯有再去買個雞蛋仔食....

兩日冇做運動...放工去左跑下步....不過唔知係咪未好番晒.....跑兩跑就好攰....
手軟腳軟...快d 去食野先.....又再去左屋企樓下間車仔麵....一樣係咁好味....正...

21 Feb 2012

訓左一日....終於好d ....... 今日又要開工.....

今日o既lunch.....即係尋晚o既dinner....悶就悶d .... 不過冇得揀....

食飽飯....趕出去銀行....換定少少泰銖.....
雖然個個都話去到先換抵d....但總覺得有少少旁身安心d...

隔離department o既同事......又做錯野.....搞到我地臨時要留o係度幫佢補鑊......
見之前有少少空檔時間..........同B 出去食左野先....跟住正式開工....

等繄d data backup o既時間........唔爭在寫埋呢篇blog先.....今晚都唔知幾點走得....