31 Aug 2011

自己整早餐....來來去去都係食火腿....其實仲有冇其他野可以揀呢?

已經收到林憶蓮o既飛.....同預期一樣....應該都係最後果行

原本打算放工時去做運動....不過冇乜心情....個頭又好痛.....唔想去
加上阿媽又話想去食紅螞蟻.....於是去左食 tea

30 Aug 2011

尋晚發生左一件事....
其實好多野都唔係我控制到....我唔明點解每次一有事發生...
次次我都總要負責任....唔通真係全部都係我o既錯咩....我討厭呢種感覺
雖然已經食左褪黑素.....不過似乎冇o係我身上面起作用
成晚眼光光等天光.....我真係覺得好唔開心

天氣好悶熱....心情又好煩躁.........做乜都冇心機
我知道係唔應該食生冷野.....不過我唯一可以做o既只有食d 自己鍾意食o既野

唔經唔覺識左醫師都已經超過半年....差不多每星期都見面....心入面一早已經當左佢係朋友
唔知係咪自己心情唔好...突然間覺得好似係自己一廂情願當人地係朋友....
或者我應該要收起自己o既熱情....唔好再阻住人
真係討厭自己點解要咁感情豐富....明明只係好小o既事....做乜要咁唔開心呢
或者....身邊o既朋友一日比一日少.....我已經再冇可以傾吐心聲o既朋友

我知道大家都好關心我....不過請大家唔好留言
我只係想發洩下自己o既情緒.... 我冇乜事....唔使擔心

29 Aug 2011

每個星期一都要攞好多野返公司.....次次都搞到個袋滿瀉...
都係攞個環保袋裝住好d ... 不過阿媽見到....話我似 d 師奶去買餸咁...

今日 K 有約....所以得我同 B 食....我提議不如買八方雲集返公司食
不過次次去親果度....都總係會過對面買埋卥八o既卥水野....今次都一樣

自從冇返日文之後....星期一可以做完運動後....舒舒服服咁食野....唔使趕頭趕命

28 Aug 2011

尋日食完....今日又再食
今朝同阿媽都好晏起身...周圍都冇早餐食...最後一個飯兩份食...當係早餐

返到屋企冇乜野好做....好似有 d 攰... 又唔想去做運動.....唯有睇下電視
睇完成套....我和尋回犬的十個約定.....結果喊左兩次....

睇睇時間...原來都唔早....冇食lunch但又唔係好肚餓....落街買 d 生果食

阿媽今日全日o係屋企幫阿妹執行李......又攞出又攞入....跟住又磅下幾重
攰到唔想煮飯又唔想落街...於是我上網叫 pizza外賣...不過呢個圈圈批真係貨不對辦得好緊要

27 Aug 2011

又到左一個討厭o既星期六....長周要返工
為左有番少少新意....專登行遠 d 買早餐

下晝放工之後.....去做下運動.....跟住食番個 tea

今晚約左去金星小姐屋企飯聚....識左佢咁多年都未去過佢屋企.....當然唔可以兩梳蕉上去啦

不過真係唔係幾好彩.....佢部冷氣機竟然揀今日黎壞.....
可惜已經買晒餸......如果唔係就可以出街食就算.....

原本話係煮飯食....不過因為貪方便....轉左做打邊爐
o係一間三十幾度高溫o既屋裡面再食火爐....簡直挑戰我身體o既極限

26 Aug 2011

因為怕 d 火腿放得太耐.....所以就算今日買外賣早餐....都加一塊落去

B 話平時聽我講 egg benedict 講得多....想試下到底係乜野味道
於是我地去左附近間 Flying Pan ......但可惜唔係太好食....有些少失望

原本諗住食少 d 野.....點知一見到 d 車仔麵o既餸就乜都唔記得.....好在d 米粉份量唔多
不過呢間之前電視介紹過o既佳佳..... d 野食真係唔錯

終於去左 smartone 搞轉台o既手續....等到9月頭就可以轉新台喇
月費平左之餘..... 數據用量又多左.... 真係開心

25 Aug 2011

尋日食左咁多野....今日要食少d .... 唯有食多 d 生果

今朝同事們討論緊 HP 部 tablet .... 因為 HP 要放棄 webos ....所以割價傾銷
七百幾蚊一部...真係幾吸引....如果唔係成朝都入唔到個 website .... 咁我諗我地個個都會破費

我同 B 去左華星食lunch .... o係門口見到張poster 寫住「用心做好炒蛋，奶茶」...
於是我就食左炒蛋....同埋飲左唔應該飲o既奶茶....結果...個肚又唔舒服

因為今晚要食蛋糕....所以晚餐只係簡單食 d 米線

今日先係阿媽o既正日生日.....當然要切番個餅啦

24 Aug 2011

尋晚買左 d 火腿同方包整三文治.....今朝繼續都係食番呢 d

下晝 B 有野做出唔到去....所以我同 K 出去買外賣返黎食...又係買南記...又係牛丸春卷河

今晚同阿媽去慶祝生日...都係照慣例去新世紀食 buffet...雖然我食到好悶...但佢地唔悶都冇法
次次食完 buffet ...... d 腸胃都出事....今次就住就住食....適可而止

23 Aug 2011

尋日o既早餐要挨白麵包.....今日可以慢慢嘆.....

早排灣仔電腦城附近開左間新o既 pizza 舖頭....我地講左好耐都未去試....今日終於食到
pizza 分幾個 size .... 最大o既直徑有 24" .... 單買一件都成塊面咁大....好滿足

日頭食得咁 heavy .... 今晚都係食少 d 好 d

22 Aug 2011

今朝帶定罐加拿大三文魚返去....準備整豐富o既早餐

點知......一入門口....都未坐定......就俾阿哥徵召左去
原來發生左大事....要共謀對策......結果講到差唔多十點....先挨白麵包

下晝 B 話想食三文治.....附近冇乜選擇....所以唯有再去 delifrance
不過我自己冇叫餐....借左B 個餐....加錢加個沙律同薯批....自己返去再整三文魚三文治

做完運動之後醒起屋企有福麵....好想食....於是去買 d 瘦叉燒返去
但係打開雪櫃時見到 d 餐肉又忍唔到口....結果變左呢碗瘦叉肥餐肉麵

21 Aug 2011

突然間好掛住IKEA o既肉丸....所以連早餐都唔食....走去食番個 brunch

阿媽黎緊呢星期就生日....諗左好耐都諗唔到買乜生日禮物....最後終於搵到呢樣
我自己試過....都真係幾舒服....買一個放o係公司就一流

阿媽想偷懶唔煮飯....天氣咁熱....大家又唔想行得遠.....所以只係落樓下食碗拉麵
原本諗住唔使出汗....點知食完又係成身汗

20 Aug 2011

今朝又係同阿媽去同一間餐廳食早餐....
我都係叫住同一樣野...開始有少少鍾意左呢d 假鮑片味

下晝過左銅鑼灣行一陣....去左Kiehl's.....之前收到信叫我去....原來係送body lotion

順便去時代廣場行個圈.....見到之前好多人已經影左相o既展覽... d 展品真係幾特別

今晚o既任務係......將部舊電腦整番好....跟住俾人用......唔好浪費嘛
又要裝過個harddisk ..... 又要裝過晒 d windows 同 software ...真係要搞足一晚