9 Feb 2015

又晏左起身....返到公司唯有買空氣麵包食.....一個唔夠....食夠兩個....

今日帶左屋企啲剩餘物質返公司食.....用左之前喺日本買o既新飯盒裝返去...

食飽飯.....見到盒梅酒酒心朱古力....忍唔住食番一粒.....

下晝走火警.....平時有得合法蛇王就好開心....不過呢幾日鬼死咁多野做....阻晒我啲時間...

返到office....仲有同事請食tea....原來佢個BB 滿月.....

佢用下午茶黎代替薑醋.....咁o既做法都唔錯.....因為唔係個個啱食薑醋....

放工去左搵醫師.....睇中醫....送中湯.....

睇完中醫....原本諗住返屋企....咁啱同個朋友傾左兩句....大家都冇飯食.....所以約左喺旺角食飯..

揀去和民食.....原以為喺居酒屋可以叫啲份量細o既野...唔使咁飽...但呢個二人餐....超飽...