今朝o係酒店食早餐buffet...冇乜特別要求....只求食得飽.....
食飽就出發喇....坐小火車過去另一個山頭......雖然小火車有瓦遮頭...不過都竟然要開遮..真係奇景
坐完小火車...仲要行好多級樓梯上山.....再轉巴士.....
終於去到食lunch o既地方.....雲中谷入面o既雲中餐廳.....
果然名不虛傳....雲中谷d 霧.....多到伸手不見五指....
其實早餐o既刀叉只係放低冇幾耐.....咁快又攞起午餐o既筷子....呢餐o既野食仲要麻麻添...
食飽之後....又向下一個景點進發.....經過一段路.....d 霧越來越大....差d 以為自己上左天堂...
最後去到吊車站.....o係雲裡面坐吊車.....都係第一次....完全睇唔到下面有d 乜野風景....
到達左另一邊o既大俠谷....主要係以機動遊戲為主....不過我就冇乜興趣....
一來落咁大雨....二來我對大陸o既機動遊戲都係欠缺d 信心...都係睇下水母安全d...
不過睇完水母都已經冇野好做....跟住落黎又係食食食o既一日....反正啱啱餐lunch都冇乜食野..
呢度d 野食.....真係唔見到實物.....都唔知係乜.....d 名真係好古怪......
有人叫左個炒飯.....諗住穩陣d .......點知.....
上面竟然出現左西瓜, 橙, 蘋果........好一碟fruit punch飯.....
相比起d 古怪餐廳....都係Starbucks比較正常d ....
而且仲有好受歡迎o既免費wifi 添...飲下野......玩下啤牌........又過左兩個鐘........
終於夠鐘返香港喇........
返到屋企樓下....都已經七點....唔算好肚餓.....買定個黑椒漢堡做今晚o既晚餐...
哈哈 我都見識過佢D野食～ 真係都唔知係欣賞定食的。
回覆刪除[版主回覆11/25/2012 22:37:47]兩樣我都唔會囉
剛才係屋企附近逛街,才知開咗間爭鮮.本身已食飽晚餐 ! 都買咗盒雜錦試吓 !
回覆刪除[版主回覆11/25/2012 22:38:07]爭鮮幾好呀, 又平, 又唔差
d火車係咪得個頂兩邊冇遮架..所以要開遮...
回覆刪除落雨天行真係超冇癮...
d水母你唔講仲以為係雪花添
你有叫杯欲望酸梅嚐試下呢..
碟炒飯型到呢..你唔的個大廚出黎訪問下佢係度諗乜.
[版主回覆11/25/2012 22:40:07]佢有d 車款係兩邊都有遮, 不過果d 叫"收費包廂"
其實咪同海洋公園果d 差唔多, 冇咁靚添
我唔敢叫喎, 都唔知係乜黎
我驚原來係冇大廚, 只係個侍應入去炒
雲中谷⋯幾應景!
回覆刪除坐火車仔擔遮⋯
[版主回覆11/26/2012 09:32:58]係呀, 我都未試過去咁大霧o既地方, 感覺都幾特別
我地係唔開唔得, 因為周身都濕晒
雜果炒飯
回覆刪除欲望酸梅>>係咪落咗催情藥o既呢?
[搞一爺回覆11/26/2012 20:50:29]o吾怪得小魚仙最怕o個個就系香港腳王子喇﹗
[噢!地利 Oh!tria回覆11/26/2012 17:06:20]搞一爺一定係眼花. o個個乜唔係 口+交+我咩??
[版主回覆11/26/2012 09:33:27]呢d 野, 啱你兩個多d
你地下次應該約埋一齊去
[搞一爺回覆11/26/2012 04:37:18]碟邊大大隻紅字寫住『咬我』﹐食完o的飯碟底可能有『正』野 睇架。
系菠蘿炒飯進化出黎﹗你o吾系最like有創意o既美食。
大陸簡筆字欲即是 性『慾』o厘個字嫁﹗
點解我上次去唔見有欲望酸梅0既？！！！！！
回覆刪除[版主回覆11/26/2012 20:18:29]你本身已經有好多"欲", 唔使再飲啦
嘩, 好大霧呀! 我週末去左中山睇菊展, 幸好當日不算太大雨!
回覆刪除[版主回覆11/26/2012 20:19:29]係呀, 真係好大霧
我諗平時都好勁, 不過呢d 天氣更勁