因為要趕住北上........彬仔公司搞outing........叫埋我一齊去.......深圳東部華僑城兩天遊....
前後坐左個幾鐘車.....終於到喇.....首先去酒店放低野先....
第一日o既節目主要係o係呢個茶溪谷.....
入到去都已經係下晝......首先去醫肚先.......o係門口望左好耐...呢間係咪西餐廳黎呢?
一間門口咁西化o既餐廳.....竟然係食中菜o既丹桂軒......
呢間茵特拉根酒店.....睇落又幾靚喎.....可惜我地唔係住呢度....
食飽之後.....領隊帶我地去行個圈.......原來茶溪谷真係有梯田種茶架喎....
不過d 茶對我黎講.....點都唔及串燒吸引.....價錢唔係貴.....但凍冰冰...都唔好食o既...
地方話大唔大.....不過都行到好攰.....竟然俾我地發現.....酒店lobby係有免費wifi...休息一下先...
其實都冇乜野好睇...冇乜野好行.....但又未夠鐘食晚飯....我地決定o係酒店cafe飲杯野慢慢等...
有隻白鴿係咁走埋黎...清潔阿嬏可能見我個樣咁驚...竟然將佢活捉入去個垃圾剷入面..嚇到我呆左..
坐左兩個鐘....傾下計.....終於到晚飯時間.....今晚都係去番之前間丹桂軒度食....
食飽飽....就齊齊行番去酒店.....呢間黑森林酒店...比我想像中好....
可惜o係山頭野嶺.....附近冇野好做.....房入面又冇wifi....乖乖地早d 訓....
有咁悶嗎﹣O﹣“” 我上次去。。忙到冇停過。。2日都不太夠玩( 我同伴完全唔玩機動GAME 所以我都冇得玩）我都係住黑森林
回覆刪除[版主回覆11/26/2012 09:28:07]咁可能都有d 唔同
[Lookman回覆11/26/2012 09:06:12]可能因為我係夏天去掛..我去左 個水樂園....之後 茶溪谷一入去個果 水上單車.
睇左d show.. 同埋都有浸溫泉 仲有影足兩日相咁lo.....
[版主回覆11/25/2012 22:34:21]我完全唔覺有d 乜野好做喎
上年三月放大假去完泰國,翌日同老公去華僑城.住茵特拉根酒店
回覆刪除對着湖景不知幾正,尤其夜晚更甚
你有冇坐攬車同火車 !?
[版主回覆11/25/2012 22:35:06]間茵特拉根酒店睇落都好似唔差喎
坐左吊車同火車
唔怪得尋晚開天窗冇交稿啦.原來北上尋歡...
回覆刪除呢度見好多人去過, 不過我從來都冇去過..仲有茶田添..真係唔小地方喎..
[版主回覆11/25/2012 22:37:13]我都想交稿, 不過都上唔到網
佢幾個山頭咁大, 不過我感興趣o既地方唔多
呢度以前雜誌介紹過都好想去不過太小時間，梯田種茶好有雲南feel
回覆刪除阿嬏好犀利活捉白鴿
[版主回覆11/26/2012 09:28:47]係呀, 我覺得個梯田好靚
我俾佢嚇親就真
估唔到你牛高馬大怕白鴿喎.
回覆刪除o係大陸上到網都上唔到yahoo blog啦.
[版主回覆11/26/2012 09:29:21]其實我怕你多d
唔係呀, 去到喎, 去唔到facebook 之嘛
人o地公司搞outing出游 即系o吾駛錢啦﹗又撈油水。
回覆刪除生滿綠悠悠o既茶樹﹐滿山梯田﹐o的風景好靚嫁﹗ 可惜你去時timing o吾夾啦﹗仲好大霧添﹐浪費。
行山好過做室內運動o甘無聊啦﹗
o甘大霧﹐系o吾系幻想自己系條小魚仙呀﹗正在云游四海。
有無人博大霧成機亂摸一通嫁﹗
[版主回覆11/26/2012 09:31:01]唔好講得咁難聽, 我多謝我朋友邀請我去
風景都唔錯, 不過對我黎講冇乜野啱玩
我只係以為自己已經死左, 上左天堂
你都唔係度, 應該冇人會咁做o既
又會白鴿都驚，係咪驚禽流感？
回覆刪除btw，乜王子好得人驚架咩
[版主回覆11/26/2012 20:17:45]我見過真人......其實佢真係.....
我唔敢講
[噢!地利 Oh!tria回覆11/26/2012 17:04:10]我呢d人見人愛,邊會得人驚呢. 唔好信魚仔呀.