今日非常勤力做野......不過見到個 programming api 有咁多野.....真係有少少卻步
下晝又係得我同 B 出去....天氣咁熱....都唔想行得遠....過左附近間 delifrance ......
不過佢 d 份量真係縮水得好緊要....d 飯o既厚度都唔夠 1 cm
原來李克強住o係Grand Hyatt ..... 唔怪得今日附近有咁多警察
佢地仲借左我地公司o既地方泊車....起碼有十幾架警車o係度...公司突然變得好安全
早幾日食埋咁多野....搞到 d 腸胃又亂晒大籠....今晚又去睇中醫
不過唔知係咪因為我成日都亂食野....醫師個樣好似唔多高興....咁今晚唯有聽聽話話啦
醫生見倒你呢個熟客仔應該笑笑口講 Huan Ying﹐又點會黑起口面呀﹗
回覆刪除D 米都無加價﹐肉類﹑糖﹑鹽﹑醬油﹑蒜頭就加o左好多。Delifrance 為人們健康著想﹐奉行肉小飯多才對。
[版主回覆08/22/2011 21:29:48]係超誇張
[搞一爺回覆08/22/2011 20:00:18]Huan Ying = 歡迎。用o左夸張法﹗
[Gael回覆08/22/2011 16:48:51]笑笑口講 Huan Ying=====>真係會咁架咩？！
[版主回覆08/17/2011 12:59:14]我緊係知乜都貴啦, 如果唔係, 使乜自己整早餐喎
[搞一爺回覆08/17/2011 09:56:35]你食飯都o吾知道米貴? 屋企o吾駛你買野ga﹗ 你真幸福。
[版主回覆08/16/2011 22:27:07]乜你係 delifrance o既老闆黎咩, 咁幫佢講說話呀 :)
食清D對自己好,對荷包更好 :D
回覆刪除[版主回覆08/16/2011 22:27:32]兩樣都係咁重要喎
你有冇食過city'super間包鋪有隻蒜茸法包呢, 短身既, 超好味,好煙韌..
回覆刪除都話左魚仔你係受保護動物啦...出動咁多警力令你有安全感...
你係咪錢多得滯呢....係都要散去中醫度既....
[版主回覆08/16/2011 23:22:43]咁又冇食過喎, 其實我鍾意食d 鬆軟o既麵包多 d ....唔使出動咁多人喎, 行到邊都見到警察, 都幾得人驚.....我都想我有咁多錢呀
你下次可以試下, 佢係外少少脆, 而裡面好軟煙韌既...除左蒜茸味,仲加左香草,係香港地我食過唔錯既法包 , 18蚊/個, 我就咁可以當一餐了...次次去都必食...尤其買到剛出爐仲熱既...超正...
回覆刪除[版主回覆08/17/2011 08:45:19]下次我去開留意下
你個 kaya 醬又係朋友買俾你嘅手信 !?
回覆刪除[版主回覆08/17/2011 08:45:42]其實係朋友收到o既手信, 不過佢唔啱食, 所以轉贈俾我
delifranc乜有飯架e+??
回覆刪除[版主回覆08/17/2011 08:46:57]有好耐啦, 而家有 delifrance bistro, 有飯有pasta, 你上佢個網update 下啦
我覺得Delifrance D飯唔得,其實應該係話,整體表現水平下降左唔少。><以前我是它的會員,現在無入會了。=.=
回覆刪除[版主回覆08/17/2011 16:33:30]我都覺得而家越來越唔好食, 而且太貴, 動不動就五六十蚊一餐