5 Apr 2013

今朝又記得起身book場.....雖然過左好耐先login到...但都book到....

今日ｏ既早餐....又係牛肉飯....不過今次係去松屋食燒牛肉...

上晝o既節目係...去即食麵紀念館...

原本都冇諗住整...不過既然去到....都整番個玩下啦....

跟住就去箕面.....箕面應該係去睇紅葉最啱....不過連續幾日食咁多野...想去行下山...
果度出名o既手信.....楓葉天婦羅.....但係其實味道麻麻地...

o係箕面公園行下....話係公園....不過其實好似香港d 郊野公園咁大...
雖然冇紅葉....不過風景都好靚.....好舒服....

個山其實都幾大....行到有d 攰....搵個地方食少少野....

終於到箕面瀑布....一個幾靚o既地方.....如果有機會...我都想再黎....睇紅葉...

離開箕面....返到梅田....係時候去shopping....

不過之前食左唔係好多野....有少少肚餓....去醫肚先....個個都會去食o既北極星....

o係uniqlo見到呢個crossover版本o既body bag.....只係百幾蚊港紙....即刻買...

經過咁多日o既長期消耗戰....真係開始攰.....平時去旅行都唔會中途返酒店...
今次都要返一返去....放低d 野....順便休息一陣.....

休息完之後....即刻充滿能量.....快d 出動...

Tim哥同我講...uniqlo有條second line d 野好平.....過去睇下....
我覺得呢間GU d 野仲靚過uniqlo  添....行個圈....就買左兩條褲...

U Magazine之前介紹...心齋橋果邊...有間食海鮮飯好平好好食...
即管去睇下....果然係好食....飯唔太多.....不過d 餸就多到滿晒個碗...

所有客都走晒...膽粗粗...又同老闆傾下計....佢問我點解識得去佢間舖...
我話o係香港雜誌睇到...佢話唔怪得最近咁多香港人去...之後齊齊影張相...

行番道頓堀時...經過大阪王將....見到佢有外賣餃子...有d 口痕....買一客食...
仲有想試左幾日o既辣椒蕃茄杯麵......攞番酒店慢慢歎...