轉左好多次車之後....終於到左有馬溫泉喇...
襯未係好多人....去左浸下溫泉先....之前上網搵左一間平d 細間d o既....
感覺好家庭式....不過都有齊金湯銀湯....都算幾好....
d 水真係好熱...浸完之後....成身都紅晒....對腳更加紅卜卜...
但好舒服....乜野疲勞都冇晒.....如果日日都有得浸就好喇..
浸完溫泉...o係溫泉街行多一陣....就返落去三宮喇...
尋晚食唔到雞肉刺身....我用我緊有o既日文問阿姐....今日會唔會有...
最後o係我死心不息之下....終於食到...不過食落好似同魚o既刺身差唔多....
反而我覺得尋日食o既炭燒雞扒仲好味....所以再叫多塊....encore...
又係時候同神戶講bye bye....
坐左一個鐘車....就去到大阪....今次關西之旅最後一站....
又回歸蚊型酒店......真係好掛住神戶間咁舒服o既酒店...
酒店就o係道頓堀....第一時間去行下先...
未係好肚餓.....但醒起之前o係網上面見到人地去一間叫南蠻亭o既燒鳥食店...
食番幾串串燒....再加杯梅酒.....扮下日本人happy hour....
唔係好見有遊客去食....反而serve我地果個係上海人...識講國語..頓時親切左...野食都好好食..
法善寺就o係附近....過去到此一遊....
慢慢行番過去道頓堀....相比起之前幾個地方...呢度真係好多人....
好似去左銅鑼灣旺角咁.....我反而覺得側邊o既道頓堀川仲舒服...
去親大阪o既人....似乎都走唔甩....要o係呢個glico 牌影相...
突然間諗起...今日係星期四....心血來潮...不如買番注六合彩....如果中左...可以再玩多幾日..
再行多陣....有少少肚餓....食碗金龍拉麵....就返酒店...
今日好早返酒店....一來....浸完溫泉個人好攰.....二來...又係時候洗衫喇....
你隻腳好恐怖呀..去修下甲啦...
回覆刪除食生雞肉小心返黎俾人拉去隔離喎.
南蠻亭我都去過, 佢好多留學生做, 我果時見個係南京人..想同我地傾多句都俾個老闆係旁邊昅住哂.
glico呢個牌十幾年前已見佢係度..掛一世都都唔換.
[版主回覆04/05/2013 18:04:25]使唔使順便油埋甲油?
可能係日本唔比我出境, 唔使走
我第一次黎, 對我黎講都係新野
[毛豆回覆04/05/2013 08:21:54]I mean十幾年都係一樣囉，你好得閒咩，咁既嘢都值得去查？
[噢!地利 Oh!tria回覆04/05/2013 04:57:14]I mean都係glico但係個圖唔同架.
[噢!地利 Oh!tria回覆04/05/2013 04:54:40]glico掛一世都都唔換> 咁毛豆今次錯喇. 我google見唔知幾n年前唔係咁樣架.
係咪想show下自己無灰甲
回覆刪除中左直情可以唔返黎啦係咪
[版主回覆04/05/2013 18:05:56]冇關係
得八百萬唔夠
襯未係好多人去浸>> 乜唔係襯好多人時多d o野昅咩??
回覆刪除[版主回覆04/05/2013 18:06:56]冇你兩個咁好氣
[噢!地利 Oh!tria回覆04/05/2013 14:33:30]原來魚仔去係為國爭光
[搞一爺回覆04/05/2013 07:42:16]你估系王子果邊咩﹐鬼鬼乜都大過人﹐日本系微絲細野﹐明顯地魚仔在日本質素系高一兩班﹐系被人昅番轉頭嫁﹗
人哋隔山買牛⋯你山長水遠都要買六合彩
回覆刪除[版主回覆04/05/2013 18:08:22]都唔中