4 Aug 2012

早一年已經book定機票o既沙巴KK 之旅...終於開始...
因為坐夜機去o既關係...到步時都已經十一點lu...酒店雖然係蚊型..但都好企理..

整理好d 野...都已經好攰...所以冇再出街.....乖乖去訓覺....
第二朝起身....天氣好好呀......陽光好燦爛.....

一訓醒....第一時間...就緊係落街食野啦......酒店附近已經有好多野食....
呢個 88 飲食中心係其中一個...個蝦麵同埋燒鴨撈麵.....好正呀...

o係香港一早book左個local tour....將會去紅樹林睇長鼻猴同埋螢火蟲....
不過下晝先會黎接我地.....見仲有時間....搵d 野做下....最後決定去呢間回教寺睇下...

間回教寺好靚....可惜我地著短褲....唔入得去睇.....唯有o係出面行個圈....
專登坐的士過到黎...我地都唔放過側邊o既景色....周圍行下...

沙巴o既天氣都幾熱......雖然冇香港咁濕....不過不停咁曬住...都幾係野...

之後坐巴士返去市中心....搵個地方醫下肚先....呢度係酒店附o既商場...

我地發覺有個類似food court o既地方....每樣餸係以份量黎計算...有d 一件件計...有d 一羹羹咁計.....
d 味道都幾特別.....不過食到最後...隻炸雞髀竟然係半生熟...嚇親...

食飽都仲未夠鐘....所以去食番個甜品.....榴槤蛋糕 + 香蕉朱古力蛋糕.....仲有免費wifi添..

終於都夠鐘.....拿拿聲返酒店等人接....不過原來我地要坐成兩個幾鐘車先去到目的地架...

真係坐到pat pat 都痛....好彩佢地原來安排左....中途落車休息下....仲有串燒食添..

跟住又要再坐多一個鐘車.....終於到喇......大家休息左陣....食番d 茶點....

係時候出發......首先去睇長鼻猴......不過佢地都o係好遠o既樹上面....要用望遠鏡先睇到...
反而呢d 馬騮仔比較親民d.......至起碼我可以睇得清楚d 佢個樣...

唔經唔覺....都已經日落......d 景色真係好靚...其實我覺得d 景色比馬騮更吸引....

隻船駛番碼頭.....晚餐已經為我地安排好.....原來係食buffet....
雖然d 野食係平野黎...不過我已經好肚餓...唔理咁多...快d 食....

食飽之後....又再出發.....去睇.....螢火蟲...

原來最美好o既時刻....只可以留o係個心入面....咁靚o既螢火蟲....點都冇辦法影得到....

睇完螢火蟲......今日o既旅程就完結....我地要坐番三個鐘車出去市區....
出到去....唔早又唔晏.....冇乜野好做....最好就係去食.........哈哈...

食飽就返酒店.....酒店係有wifi....不過因為我地個係special price...所以唔包...
夜晚又冇野好做....唯有額外俾錢.....買個wifi login 啦.....好在都只係廿幾蚊24小時啫..