原來阿媽都一樣冇乜訓過....佢一早已經醒左.....唯有齊齊落街食早餐...
跟住陪阿媽過去阿姨屋企....傾阿婆o既生後事....
死者兩腳一伸係一個終結......在生者而家先係煩惱o既開始....
阿婆屋企有好多雜物.....阿媽同姨媽佢地要去執拾一下...仲要攞番d 文件出黎辦手續...
而我就返去....買定餸....準備今晚o既晚餐...呢樣係我唯一可以幫手做到o既野
雖然只係簡單煮個麵.....不過呢一刻大家都冇乜要求.....食得飽就夠...
飯後甜品....係我o係沙巴買番黎o既榴槤朱古力.....
有人話唔開心o既時候食甜野會開心番d...不過其實對我黎講...任何時候食..都係咁開心..
o甘你都要食蕉喇﹗聽說食左香蕉會開心o的。
回覆刪除我就燒完將o的灰撒落海或者樹下就算﹐簡單o的。
[版主回覆08/12/2012 20:48:12]我今日真係食左一條喎
其實用乜野方式都唔重要, 都只係型式黎啫
唔好太難得,太傷心.我諗你阿婆亦唔想你哋唔開心 ........ 雖然時間可以慢慢沖淡 ! 但此刻時間係好漫長 ........
回覆刪除[版主回覆08/13/2012 09:02:43]大家o既情緒都穩定左好多
可能因為一早有心理準備
所以比較易接受 d
我覺得型式簡簡單單就可以.
回覆刪除[版主回覆08/13/2012 09:03:16]我都贊成
有心就得, 唔需要搞到咁複雜
節哀! 不好太傷心希望婆婆走得安心!係另一個地方無牽掛!
回覆刪除[版主回覆08/13/2012 16:44:06]多謝關心
喱個忙碌時候幫手煮飯真乖仔，魚婆婆在天之靈會守護你
回覆刪除多D時間陪下魚媽媽啦
[版主回覆08/13/2012 16:44:21]我會架喇
thx
調整心態, 面對現實.
回覆刪除[版主回覆08/15/2012 11:26:35]我ok呀, 冇乜野