中途經過呢個車站.... 一定要影低佢....因為....又係那些年...
坐台鐵差唔多坐左一個鐘有多.....去到集集市.......
睇旅遊書介紹....話好多人都會租單車....方便去唔同o既景點....
好彩我地有租咋.......因為個地方真係好大.....景點距離好遠....
原來台灣所謂o既單車行道....同香港好唔同....冇一條真正o既單車徑...全部都係踩馬路邊...
好在鄉下地方...車唔多...都尚算安全...沿住單車老闆教我地o既路線...我地去左好多地方..
仲有呢個軍史公園.....裡面又係有好多退役o既軍事武器....
呢條所謂神仙瀑布.....要上好斜o既山坡先睇到......不過都冇想像中咁壯觀....團友甲稱之為神仙痾尿...
呢個畫面係最震撼....見到眼前o既武昌宮....就知當時台灣大地震有幾犀利...希望以後都少d 天災..
原本老闆仲介紹左一個地方叫綠色隧道....但竟然係要沿住汽車公路踩上山先到....
老闆...你實在太睇得起我地喇.....我都係舒舒服服沿住濁水溪踩返去....睇下風景好過啦..
踩到周圍大汗....一返到火車站還左車...我地就急不及待買杯冰淇淋食....
雖然食左冰淇淋....個身冇咁熱...不過都仲係好攰....都係搵個地方休息下先...
唔經唔覺....都踩左三個鐘.....唔怪得咁攰啦.....
因為集集 d 火車比較疏....我地要再行一陣先夠鐘走....
見到一檔叫做心太軟臭豆腐.....不過原來只係將d 醬放入個心裡面...冇乜特別...
回程返去台中時....已經係黃昏喇....
返到台中火車站....就轉巴士.....過去一中街商圈.....
呢度同平時d 夜市有d 唔同....有好多好新潮o既舖頭...一d 都唔老土....
至於賣o既野食....都不外乎果d 啦......咪又係食熱氣野囉.....
不過呢間食牛排o既舖頭又唔錯....有位俾你舒服咁坐o係度....價錢仲只係三四十蚊港紙添...
可能係因為踩完單車....大家都好攰...唔再行lu.....返酒店休息...
踩完單車個人都好似瘦左D
回覆刪除[版主回覆06/11/2012 14:43:47]哈哈, 邊有
[Cyrus回覆06/11/2012 14:06:05]我都覺!!!
[版主回覆06/08/2012 23:20:05]但係幾番幾倍咁多o既野食呢
票價XXX元, 唔駛保密吓, 一定有人貪污。
回覆刪除比較單車照同千揪櫈照真係踩完三個鐘單車後瘦左喎!
老闆 見你o地後生世仔又高大威猛 緊係點條好路俾你o地踩上山啦!
[版主回覆06/09/2012 08:34:11]我只係冇你咁鍾意長篇大論啫
[搞一爺回覆06/09/2012 05:03:34]魚仔大多數回覆都係好短, 你唔鍾意傾, 我又點有得聽呢?
[版主回覆06/08/2012 23:50:42]乜你都會聽人講架咩
[搞一爺回覆06/08/2012 23:46:43]Gael 話 我得罪人多, 稱呼人少, 我係咪無咁臭口呢!
讚完人自己都開心D, 點知你唔多受
[版主回覆06/08/2012 23:20:47]唔知點解會咁打喎
係角度問題啫
一睇就知我地呢d 唔係專業啦, 邊有咁勁
魚仔唔識羽毛球竟然識踩單車, 超叻呀
回覆刪除天災唔到你控制 ,少d人禍好過啦.
牧場牛奶冰超正呀
台灣既臭豆腐冇香港既好食.
[版主回覆06/09/2012 08:36:26]兩樣野都冇關係o既
果個冰淇淋真係好好, 尤其係踩完單車, 成身汗o既時候食就更好
我覺得各有特色啦, 不過台灣o既煮法多d, 特別d
學到野.. 我諗我會用背囊去台中too~ 可能都會踩單車的了.
回覆刪除[版主回覆06/15/2012 17:22:39]如果你去集集, 就一定要踩單車, 因為地方好大