19 Aug 2013

又係食酒店o既早餐buffet....不過好在呢一間比較好食.....

又要出發喇.....跟團真係辛苦....朝朝都要執行李....

今日第一站係善光寺......

因為入去裡面係要俾錢.....所以我地選擇o係出面行下商店街好過....

又食番杯雪糕先.....呢杯白桃味好正.....

然後我地就去食lunch....呢餐係食shabu shabu......

其實呢間餐廳係出名食馬肉.....不過我地只有豬肉食....但佢出面賣手信o既地方..
竟然有馬肉刺身試食.....試左一舊......食落同牛肉差唔多.....

下一站.....係去睇馬騮浸溫泉......即係之前劉華拍廣告果個地方.....
要坐兩個鐘車.....仲要行大半個鐘山路先到.......

佢地就好爽.....我就成身大汗喇.....

今日行程冇乜....車程就大把.....又要坐個幾鐘車.....由長野縣去到群馬縣...
中途行過好多迂迴o既山路....風景好靚....司機專登停一停俾我地落車睇下....

原本好快就到酒店......但係....突然間.....發生乜事呢......領隊話要call警察黎封路喎....

原來司機行錯路....但條路太窄....自己出唔番去....要搵警察幫手......

搞左一大輪....終於到酒店....

襯天未黑....快d 出去溫泉街影下相先....

行大半個鐘....又要趕番酒店食晚飯....

領隊話原來溫泉街o既舖頭冇咁早關門.....所以我地又走左出去買下野....

見到d 串燒咁正....大家都忍唔住口....

返到酒店.....咁啱有表演.....雖然唔算好精彩....不過都睇下啦....

領隊講左好多次....話草津o既溫泉好出名.....其實都係差唔多啫....不過呢套衫就特別有型囉...

早兩日托領隊買o既北海道海鮮...今晚有得食喇......真係好正....食到唔停得口...

第一次要訓地下.....唔知慣唔慣呢....