31 Jul 2013

早餐腳今日放左假.....費事自己一個人上canteen....所以o係KFC買埋早餐返公司..

但係因為尋日食剩左個飯糰.....所以專登買少d 野.....今日食埋佢...

有d 里數下個月就到期.....無論如何都要換左先.....諗左好耐....
都係決定換日本機票.....而家就換定出年七月去東京o既機票.....

下晝出去食lunch.....想去一個少d 人冇咁迫o既地方.....去呢間bar 就最啱....

尋日做定運動.....因為知道今晚做唔到之餘.....仲要食食食....
想試呢間mou mou club 好耐....今晚同朋友去左食....唔錯喎...至少比牛陣好得多..

上網訂左盒新玩意......黃金eye mask......今晚就試下....

30 Jul 2013

又訓得唔好.....醒下訓下....最後今朝都係要飲番杯救命o既咖啡....

lunch time又要去睇中醫覆診......順便去買埋砵仔王....全個部門o既下午茶都o係我手上...責任重大..

買埋飯糰返公司....都差唔多兩點.....好在下晝冇乜緊要野做...可以慢慢食...

今日收到K o係泰國買o既手信.....竟然有魷魚味o既紫菜....

今日要為聽日食多d 野而準備.....所以去游定一個鐘水.....雖然游得慢d.....
不過今日全程係用自由式游.....比起游蛙式....真係𡙁好多.....

留番個quota聽日先用......今晚都係食少d 食清d.....

29 Jul 2013

又要返回現實.....開工喇.......

何韻詩十月o既演唱會......今日有信用咭優先訂票.....做好晒準備......諗住成朝上網同埋打電話...

點知.....唔使半個鐘......所有平飛已經賣晒......

下晝同兩個同事出去食lunch....行行下...行左去呢間食半自助餐o既泰菜...無端端食多左好多..

好在今晚去游水....可以消耗番d.......之前未去過中山紀念公園個泳池....
今日過去試一試.....好新好乾淨.....不過都好多人囉......

游完之後.....去左食坤記煲仔飯 + 源記桑寄生蓮子蛋茶....游左一粒鐘等如冇游....

28 Jul 2013

六點幾就比樓下街 d 人嘈醒....好辛苦先訓得番...晏d 又到阿媽入黎....
你想訓晏d 就繼續訓啦......點呀....仲訓得番咩.....都係起身啦...

之前團購買o既mask....我只係散戶.....其實姑姐先係大戶......今日送貨....

跟住去左尖沙咀諾士佛臺白木屋食lunch.....好飽好飽.....

實在係食得太多.....所以原本冇諗住做運動....都要去跑下步....可能太耐冇跑...d 肌肉好酸痛..

Ray哥話想去睇小時代.....其實我之前冇留意過呢套戲.....不過反而咁樣覺得有d 驚喜..幾好睇..

睇完戲....去左附近o既Simply Life 食晚飯......又係抱住個肚走.......聽日又要去做運動喇..

27 Jul 2013

今朝又係趕頭趕命....所以只好買KFC 返公司食...呢個早餐要三十幾蚊..足足成餐飯咁貴..

B 今日o係度執野.....我見到佢d 珍藏真係嚇一跳....原來有人會儲起呢d 野架喎..

明明食左咁大份早餐....但臨收工個肚都咕咕聲....下晝放工拿拿聲去食野....

順道去攞埋呢d 免費sample....呢d 野去游水做運動時....真係好啱用...

返屋企hea下....又夠鐘去打波....每次book親呢個場呢個時間....
之前都總會見到呢班細路仔o係度上堂....十足十嘉年華會咁....好好笑...

例牌....做完運動....去食番餐飽.....大排檔 + 甜品......

塊面好似好污穢咁.....攞之前o係韓國買o既火山泥mask.....做番個深層清潔先....

26 Jul 2013

今朝落雨落到倒水咁....返到公司都成身濕晒....唔想再上canteen...唯有動用儲備..

下晝約左Rayo食lunch....去左銀座藏人食日本野....叫左我最鍾意o既例牌...

尋日食tea o既時候....已經約定今日齊齊去canteen買雞髀做下午茶....
好在今晚要去上羽毛球班.....可以消耗一下啫......

呢排睇中醫真係睇得好密......唔止個人傷.....荷包都傷....

睇完中醫...過到尖沙咀....時間啱啱好.....開始羽毛球班......
尋晚訓得好差.....好似冇乜精神上堂咁.....不過阿sir讚我地有進步...都好開心...

打完波....又係補充o既時候....

25 Jul 2013

今朝因為要book場o既關係....搞到好遲出門口...趕唔切上canteen食...
唯有買KFC返 office食.....嘩....真係好貴呀.....接近三十蚊一個早餐...

呢幾日lunch 前都係落雨....大家都唔想出去食.....所以再叫飯糰返黎食....好味道..

大家好似已經習慣左食tea....雖然唔係好肚餓....不過總係要叫d 野返黎食...
都冇乜所謂.....反正我今晚都要去做運動....食少少野都好....

臨近放工.....突然俾大老闆叫左去問野.....一問就遲左成個鐘先放工.....
不過原來都有好處....呢個時間去游水.....竟然少好多人喎.....

今晚o既晚餐.....車仔餸.....多菜......

24 Jul 2013

唔經唔覺.....原來已經到左星期三.....可惜今個星期係長周...再要挨多半日...

早幾日上網訂o既衫....今日送左黎.....但係對鞋著得唔係咁舒服.....
條褲又細左少少....雖然我好鍾意條褲....但係呢個碼已經係最大....

同事話有人介紹佢食靚湯工房.....49蚊一個老火湯 + 一個飯......全部野都會用保溫盒送到公司..
個湯唔錯.....不過飯o既質素就比較參差...我個蒸飯唔錯...但同事叫o既雞翼就麻麻...

今日放工又冇得做運動....因為要去旅行社.....今次係報團同阿媽八月去日本....
十幾年冇同阿媽去過旅行...十幾年冇跟過旅行團....我今年o既第四個旅行..

報完團....咁啱Tony o係附近....搵我去食飯.....上左新世紀廣場....
冇上去一排....又多左好多新舖.....其中一間係呢間日式咖哩.....

23 Jul 2013

無聊食早餐中............

原本諗住今日lunch挑戰一點鐘前埋單.....可以有九折.....可惜最後失敗左.....

個lunch 真係太細份.... 大家食完都好似仲係肚空空.....所以去starbucks飲番杯....

放工又要去睇中醫....近排真係睇得幾密....今晚仲要有好多人添....原來係因為今日係天灸o既日子..

之後又行左去銅鑼灣坐車.....渣古終於出場喇......夜晚睇....原來都幾有型.....

過左尖沙咀Pizza Express.....約左Kibbe,Nick同埋Tony食晚飯......幫Nick同埋Tony補祝生日....

之後再去食甜品.....生日又點少得生日蛋糕....呢個乳菓蛋糕真係好鬼可愛....