近兩次熨衫都有個疑問...點解熨極都好似冇熨過咁...原來..我冇開蒸氣
....
阿媽終於起身....落去食早餐.....又係上次鬧爆果間....不過今次有改善喎....
跟住又去超市買餸.....趕住煮野....
趕頭趕命....因為之後要去睇戲.....不過臨睇戲前....食住少少野先...
身邊好多人都睇左呢套低俗喜劇.....票房又好似好勁咁.....即管去睇下....
唔係太差.....不過好明顯.....唔係我杯茶......
睇完戲過左深水埗.....因為約左朋友去食tea.....之前見到佢post 左張豬潤麵o既相....
好吸引.....今日終於可以去試.....果然好好味.....仲要係朋友請客添....多謝晒...
真係忙碌o既一日.....食完tea....又趕住去打羽毛球.....book左場...同朋友練下波...
做完運動....又係時候去食野....去左吉野家食新野.....又鮮茄又咖哩....好似怪怪咁...
o吾識點用蒸汽熨斗﹐你可以用個噴水壺輕輕噴濕件衫﹐然后就可以熨得好直嫁喇﹗
回覆刪除求阿媽放過你﹐下次o吾好去鬧爆果間啦﹗
好似依家打羽毛球勁左好多o窩﹗
鮮茄+咖哩==>不倫不類﹐不過你最鍾意創新食物﹐嘗o下腐乳+朱古力﹐夠古怪。
[搞一爺回覆09/10/2012 20:03:50]加滴古龍水落去o米香晒﹗著左變香噴噴魚o羅。
[Gael回覆09/10/2012 11:46:47]用口噴咁件衫咪臭晒？
[版主回覆09/10/2012 08:39:10]阿王子, 你好鬼核突
[版主回覆09/10/2012 08:38:54]唔係我阿媽o既問題喎, 佢都係就人咋喎, 你唔會明白
[噢!地利 Oh!tria回覆09/10/2012 04:52:50]冇噴水壺. 可以用口噴架. 睇電視係咁....
[搞一爺回覆09/10/2012 00:48:26]同阿媽講下﹐溝通多o的﹐帶阿媽試新野﹐百有都仲系好年青o者﹐應該好似你講到o吾o甘老﹑o甘stubborn。
電視有做﹐講咸o既心太軟添加左腐乳。
[版主回覆09/09/2012 22:09:10]我係唔記得左開蒸氣果制啫
佢來來去去都係得果兩間, 如果又少一間, 咁即係度度都唔使去
又唔算勁左好多, 只係冇咁差啫
腐乳 + 朱古力, 可能好味架喎
傻魚既生活智慧又提高一層了
回覆刪除你之前隻粉紅史努比袋冇用咩
我完全冇興趣睇呢套戲囉..
呢間好似唔係維記喎..
吉野家我到依家都未入過去食野
[版主回覆09/10/2012 13:21:08]你記埋記埋, 咪一次過要食好多餐
[BK回覆09/10/2012 12:07:36]榮發!記底又去試下
[毛豆回覆09/09/2012 22:51:28]你都講得廢話多了.
[版主回覆09/09/2012 22:11:24]唔使又講反話喇
果個好細個, 完全裝唔到野, 一早俾左人啦
雖然無聊d, 笑下都ok o既
唔係維記, 呢間叫榮發, d 豬潤幾好味
你呢d 闊太, 唔會食平民野架喇
好明顯你以前係冇著....恤衫.
回覆刪除[版主回覆09/10/2012 11:38:32]我根本都唔鍾意著恤衫
個買餸袋...會唔會咁靓呀~
回覆刪除[版主回覆09/10/2012 13:20:04]普通環保袋黎之嘛, 二三十蚊個咋喎
好勤力又善用時間
回覆刪除[版主回覆09/10/2012 13:20:33]係呀, 難得放日假, 緊係用盡佢啦
鮮茄&咖哩唔夾。
回覆刪除[版主回覆09/10/2012 19:37:28]分開黎食都ok, 撈埋一齊就怪怪地