做完運動...時間啱啱好....阿媽又起左身...去食早餐....
原來公務員新o既 master scale 已經定左....加人工在望...
o係屋企無所事事...自己走左入去沙田新城市行街...不過...我發覺自己一個人完全冇法搵食...
去快餐店又唔夠人地爭位....去餐廳又大排長龍...真係好無助...最後行到好遠先有間茶餐廳..
一直諗住想買副太陽眼鏡....但都揀唔啱....今日終於搵到副平平地....又啱心水...
除左黑超....仲買左一個枕頭.....呢個 Tempur 枕頭...其實已經想買好耐....
諗都諗左成大半年...不過千九蚊一個...次次都卻步...今次睇在有人工加份上...買啦...
個商場好鬼多人....我o係裡面走黎走去...都足足行左幾個鐘....好快又夠鐘返屋企食飯..
係呀！逢星六、曰沙田都超多人，即使不是一個人，一班人都很難搵食呀!!!
回覆刪除[版主回覆07/15/2012 20:53:56]我直情搵野食搵到想放棄
諗住返出九龍先食
好在最後見到呢間茶餐廳咋
我都好耐冇行過沙田,都好想行吓 ~~
回覆刪除[版主回覆07/15/2012 21:18:48]已經俾強國人佔領左
強國人咁鍾意嚟香港,有時多到以為自己身祖國 !!
回覆刪除[版主回覆07/15/2012 21:48:29]
你空肚做運動架..勁喎...
回覆刪除好耐冇去沙田lu...你唔call果沙田友飛單車落黎陪你 , 咪有人搵位囉
富貴魚真係冇講錯既..買個枕頭都千千聲..瞓左係咪有甜夢呀.
[毛豆回覆07/15/2012 22:13:39]我都係咁話, 家居野我都係寧願買好d既, 長用有保證...絕對係值得既
[版主回覆07/15/2012 22:09:08]唔係呀, 食左兩小片朱古力, 再加一盒低脂奶先去架
叫佢出黎, 應該仲難過搵位喎
呢d 錢唔慳得, 雖然千幾蚊個, 但係可以訓到幾年, 條數o係番度啫
千几蚊個枕頭都乜o吾系度身訂造o羊﹐有無試個先買呀? 最近真系富貴o左﹐我平時成日叫你買野﹐呢次都要叫你收o下手喇﹗
回覆刪除沙田系超多人架﹐d旅客去藥材鋪買野都成箱成箱﹐我o地d香港人就小小o甘買﹐d店員都專心做豪客生意﹐嫌棄我o地呀﹗
[版主回覆07/16/2012 08:27:20]緊係有試過先買, 我之前半年已經o係唔同地方試左無數次, 只係唔捨得買啫
我又買唔起d 名牌, 我只係去買平野o既啫, 不過真係頂唔順咁多人
個枕頭咁貴，一定唔捨得枕個頭落去，學你話是計，肉都赤，攬住佢瞓，好似攬住嚿錢，瞓得冧Ｄ。
回覆刪除[版主回覆07/16/2012 21:11:08]呢d 最貼身o既野, 係要付出多少少o既, 一世人有三份一時間訓o係個枕頭上面嘛
係唔係一田？我去過一次，擺貨無主題＆無規則，好雜亂。
回覆刪除[版主回覆07/16/2012 21:12:02]係呀, 一田
d 野放得亂都冇所謂, 最慘係俾d 強國人佔據左
Tempur出名喎.
回覆刪除[版主回覆07/17/2012 08:30:53]係呀, 好似話係脊醫推介
你就好啦有人工加~~~~羨慕！
回覆刪除你都幾多fd住沙田架喎
[版主回覆07/17/2012 14:03:43]我冇沙田朋友架
我識得住沙田果個, 咪係約極都唔出黎果個囉
枕頭係好緊要的, 點都值!!
回覆刪除[版主回覆07/20/2012 14:15:05]係呀, 我都覺得係, 我之前訓開果個都唔平, 只係冇諗過一個比一個貴啫