睇報紙先知...原來今個星期日就係渣打馬拉松...其實我都好想試下玩下...可惜冇人陪我練跑....
結果都係放棄.....我知道好多朋友都會參加....你要加油呀
o係呢間公司原來都做左三年....食好少少....慶祝下先....(當然又係一個借口啦
)
去左 outback ..... 仲叫左我最愛o既 burger .....
B 佢地發現左...原來餐飲有任飲....於是....好開心咁飲佢o既....橙汁汽水...
忙碌o既日子裡面....眨下眼又放工... 難得B 同 K 都可以準時收工....於是一齊走....
佢地又發現左新大陸...知道左坐船過海再轉巴士原來係平D ...結果我地齊齊去遊船河...
返到屋企樓下....諗極都諗唔到食乜好....結果只係買左一包士多啤梨....
返到屋企之後.....再整多少少野夾麵包....咁又一餐 lu....
個晚餐，GOOD！
回覆刪除[版主回覆02/03/2012 23:23:58]係呀, 簡簡單單, 但都幾好味
lunch食咁大個burger,晚餐食呢個可以平衡番.
回覆刪除[版主回覆02/03/2012 23:41:08]我就係咁諗lor ^ ^
個晚餐似早餐多Ｄ. XD
回覆刪除[版主回覆02/04/2012 07:43:32]我都覺得係呀, 不過冇所謂, 好食就得啦 :)
食完咁大份 lunch 都唔駛食 dinner lu .
回覆刪除[版主回覆02/04/2012 07:43:51]所以夜晚咪食少d lor ^ ^
我好享受坐船﹐慢慢吞吞好有度期感﹐維港又靚﹐放工搭就最好。
回覆刪除你公司成日有人走﹐做左三年算系異數﹐當然不是借口啦﹗價得慶祝ge!
[搞一爺回覆02/04/2012 11:14:31]o甘慶祝你夠高超既忍耐力o蘿﹗
[版主回覆02/04/2012 11:05:05]如果唔趕時間o既時候, 我都鍾意坐船, 但如果遲左放工就唔可以, 因為之後轉巴士會好塞車
咁又唔係, 做左好耐o既, 大有人在
有人同遊船河真好^^
回覆刪除[版主回覆02/04/2012 16:49:24]我約你去遊下天星船河lor, 兩個半一程, 都好化算
咁今日三年零2日啦，更加要再食再豐富d啦！咁先對得住自己嘛XXXD
回覆刪除跑步都要人陪，獨立d啦
[版主回覆02/04/2012 16:51:37]我日日都食得豐富架啦, 日日都對得住自己有餘
有個伴陪住練跑, 大家可以互相支持, 會有恆心d