3 Dec 2011

今日係台南一日遊....首先去車站o既麥記醫肚先...

再去攞車票....向台南出發...

只係半個鐘多 d o既車程...就到左台南喇....

第一站...安平區o既延平老街....一條好典型o既遊客街....好多手信賣...當然仲有野食啦...

見到呢d 香腸...第一時間撲埋去....可惜都唔及果時o係台北十分食果d 咁好味...

正餐o係呢間飯店食....有好多遊行團去....蝦捲同埋 d 魚肉都幾好味...

食飽之後就去行下古蹟....首先去安平古堡...一座冇乜特別o既城堡...到下就算...

跟住去安平樹屋....好似話係一個荒廢o既貨倉...不過俾榕樹重重包圍...都幾得意...

台南都好鬼熱....行到成身汗.....去食番個出名o既豆花先....

由安平區出番台南市中心....見到有度小月....不過位置似乎同旅遊書介紹o既有d 出入
唔知到底係咪假野黎....但因為太攰o既關係....有理冇理...食左先...

食飽再過側邊o既赤崁樓參觀.....

頭先o係安平古堡度....睇到話有個傳說...有一條秘道係可以由安平古堡通到赤崁樓...
不過呢度竟然話係流料....都唔知係咪厄遊客遊覽晒 d 地方o既...

時間已經唔早... d 景點都開始關門....都係o係附近d 百貨行下逛下...

好肚餓...要快d 出發去花園夜市....

同旅遊書介紹o既一樣....花園夜市...又大...又多野食....比起高雄o既夜市更吸引...

時候唔早...又係時候坐火車返高雄...原本book唔到對號票...諗住要企成個鐘...
點知...又好好彩....執到死雞...買得到....