因為尋晚夜返屋企o既關係...今日lunch 係罐頭餐...
不過一 d 都唔失禮.....又有火腿又有三文魚....
睇報紙時...見到一個令我好驚訝o既資訊....原來 3 件響鈴竟然等如一碗飯...
雖然我打邊爐時都好少食響鈴....不過枝竹都係我最愛之一...睇黎都係少食為妙...
雖然係要食少 d .... 但係又點忍到口唔食尋日o係 muji 買o既甜薯蛋糕呢....
咁唯有將呢條小小o既蛋糕...再分為 4 小件...去旅行前...每日食一件...
...
今晚終於復工...做番運動...之後諗住買 d 車仔餸返屋企...跟住煮個麵...
點知...阿媽話有少少白飯剩左...車仔麵變成車仔飯....
你鐘唔鐘意食多士架...嚮鈴因為炸過一定高脂啦...好心你啦..咁條蛋糕仔仲要分4日食....又唔係食金條...未食完已發毛啦XDD
回覆刪除[版主回覆11/28/2011 22:21:30]我又唔鍾意果d 多士喎, 我鍾意外脆內軟
[毛豆回覆11/28/2011 22:10:55]咁你下次去價真棧啦..果度有片裝多士,細細塊既...仲可以擺幾耐下, 又唔貴...咁咪唔使成日食方包囉....
[版主回覆11/28/2011 21:44:44]我鍾意食多士, 不過我公司唔會有位放個多士爐架喇....果條蛋糕雖然細, 但有成百幾二百個卡路里架, 唔分開黎吸收點得
真懷念青春時期﹐因為果陣食乜﹑食好多都系瘦瘦的﹐響幾多鈴都o吾駛驚會爆燈﹐嘿﹗現在就要就著來食﹐都好容易有個小肚腩。
回覆刪除[搞一爺回覆11/29/2011 05:16:57]雖然 鄒皮魚 思想舉止都像80后﹐真實年齡都不小呀, 所以你都要小心飲食 呀﹗XD
[版主回覆11/28/2011 22:02:56]年紀大就乜野都要小心架喇, 乜都唔食得多
去邊樹旅行呀?
回覆刪除下?我都鐘意食嚮鈴架...
[版主回覆11/28/2011 22:58:43]黎緊星期五去高雄呀....咁如果你唔想肥, 都要忍下口喇 ^ ^
バウム都係我至愛,但係我呢邊超貴. 嚮鈴我呢個鄉下仔未食過添.
回覆刪除[版主回覆11/29/2011 08:40:29]你係王子嘛, 價錢對你黎講, 唔重要啦.......其實我都唔太鍾意食響鈴, 我都係鍾意枝竹多d
兩星期前爸爸媽媽都去咗台灣 ^^
回覆刪除[版主回覆11/29/2011 08:40:44]佢地去邊, 台北?
你有冇試過 nutella 榛子醬,雖普通 ........ 但不防一試 ^^
回覆刪除[版主回覆11/29/2011 08:41:26]我成日o係超市見到, 不過唔知啱唔啱食, 所以都係冇買
係呀，響鈴好多油，食得多好肥膩，不過剛剛炸好的響鈴脆卜卜，真係好好味！
回覆刪除[版主回覆11/29/2011 11:10:33]哈哈, 你咁fit, 唔使驚啦
甜薯蛋糕?!冇試過wor......
回覆刪除[版主回覆11/29/2011 13:07:45]打開o既時候好香, 不過食落冇乜蕃薯味
響鈴我都未食過唔知係咩，都係鄉下仔hahaha~~~~不過我知枝竹同山根係好肥0既，山根炸過，而且會吸好多湯底中的油架，少食為妙~~~~去邊度蒲到咁夜^^
回覆刪除[版主回覆11/29/2011 13:46:20]響鈴同山根我都麻麻, 我只係鍾意食枝竹.........你應該睇左上一篇先發問嘛
don't eat 罐頭 la, eat fruits 吧
回覆刪除[版主回覆11/29/2011 21:30:39]我都唔係成日食罐頭o既, 只係冇時間煮, 先耐唔耐一兩餐...不過我都食番個蘋果補數...^ ^
他們去台北,榛子醬味似朱古力.淡淡的.感覺一般 !
回覆刪除[版主回覆11/30/2011 11:16:21]有機會我都試下
我好鍾意食枝竹, 好味又健康; 響鈴致肥原因是經過油炸, 所以吃鮮腐竹就不會有問題
回覆刪除[版主回覆11/30/2011 11:16:43]但原來話枝竹都係高脂架, 所以都係食少d, 鮮腐竹冇炸過, 我諗就冇問題