今日攞左一日假....不過比返工更加忙....一早起身過去銀行搞 d 手續...
跟住就要入屯門...攞個雪櫃去整.....好在原來屋企附近有巴士直接去到...唔使抬住周圍走...
真係好鬼黑....九龍都冇落雨...入到屯門鬼死咁大雨....把遮呢個時間仲要....
來回o既車程要成個幾鐘...不過放低個雪櫃去整...都只係用左十分鐘....
跟住又坐番同一架車出番黎....趕住去剪頭髮....
剪完頭髮....有d 肚餓....諗起好耐冇去食朗豪坊酒店樓下個 food court 間澳門茶餐廳...
食飽飽之後....又要過去戲院買定聽日o既戲飛...明明係換票證...但都要加錢...離譜...
.周圍行下...要買番把遮...不過原來要搵把啱心水o既遮都唔係易事...最終o係 esprit 買左把..
跟住返屋企換對鞋...又係時候去做運動...真係好攰....一日o既假期亦都完結...
咦..又有得食gelato啦..yummy~~~
回覆刪除乜你買背包,遮都咁難架..買樓咪揀成年都揀唔0岩....奄尖得你呀...
[版主回覆10/14/2011 23:01:29]唔係奄尖, 只係唔想買左d 唔啱用o既野, 會浪費金錢
好充實o既一天﹐仲繁忙過番工o窩﹗
回覆刪除[版主回覆10/14/2011 23:02:04]係呀, 好多野都要等平日放假先做到嘛
你著住件袍剪頭髮，我仲以為係大師打緊坐添！
回覆刪除[版主回覆10/14/2011 23:02:34]哈哈, 似咩?
買背囊買遮我都會左揀右揀架.
回覆刪除[版主回覆10/15/2011 00:11:52]其實買乜我都會揀, 精明消費者啫
幾時來澳食正宗的大利朱扒包,你個果個樣吾系好得甘.....
回覆刪除[版主回覆10/15/2011 07:51:24]實有機會過黎o既... 因為坐o係度呆等嘛
Nice to meet you@
回覆刪除[版主回覆10/15/2011 10:45:52]hi, 你好呀
多謝你reply, 我係住New York City. 得閒去我blog坐吓
回覆刪除[版主回覆10/16/2011 11:14:36]原來你住咁遠，我會去睇下㗎
間工廠大廈好有鬼feel~~~~~~
回覆刪除[版主回覆10/20/2011 17:21:04]係個相機影得黑啫