9 Dec 2011

是日早餐...啜啜橙送o既...玫瑰花瓣 jam ......夾麵包...

下晝 B 同 K 要去金鐘買野....所以過左去買外賣...再食呢間海南雞飯...
餸唔多..但飯勁多....不過我都冇食晒....因為....我地仲買左一盒7仔撈麵 share ...

今晚休息一日...冇做運動...但因為下晝食得太多...有d 內疚...晚餐都係食少 d ...

睇報紙見到呢隻限量版杯麵....啱啱又有得賣...
我記得上次食都覺得好好味...即刻買番杯...聽日做早餐...

8 Dec 2011

B 尋日o係超市見到減價...專登買番黎...今日整熱狗做早餐...
請左我食一條..雖然我只得方包....但都一樣咁好味...

又有同事將會走...今日同左佢去飲茶farewell.....
不過似乎我地三個人叫野食o既份量....嚇怕左呢位同事......

今晚繼續做運動...燒下 d 脂肪....之後再去食唯珍....真係超多人...

7 Dec 2011

幾日假期...咁快又完結...由天堂跌番落地獄...

呵呵...又有...

去旅行食左咁多野...又係時候食番少 d ....

原本呢個聖誕好想去上海....過番個凍冰冰o既christmas....
不過睇黎大陸真係好凍喎.....好在最後放棄左啫...

放工去做下運動....之後繼續食少 d .....

估唔到...台灣 7 仔o既小食...又平...又幾好味....
不過節食進行中.....只批准自己食一舊...其他果d 推晒俾屋企人...

6 Dec 2011

今日放多一日假....幾日唔o係香港...返到黎好忙....忙住睇番之前幾集電視劇...
連早餐都未食....就睇左兩個鐘.....

都唔記得自己未食野...嘩....原來已經十一點...求其煮個麵算...

食飽之後...繼續睇埋剩番果兩個鐘o既劇...再落街行下...食個 tea...

個人好攰...唔想出街...阿媽話不如打邊爐....我唔反對....

5 Dec 2011

話咁快又到左旅程最後一日...臨出門口時...首先食左尋晚黑橋牌買野時送o既腸仔...

跟住就攞埋行李check-out....

向美麗島站方向行.....沿途經過啱啱開門o既正忠排骨飯....
其實佢地未準備好...不過知我地趕時間...所以專登俾我地先....真係好抵好好味...

有人唔忿氣...所以再到三多商圈...尋找花卉街....
雖然見到個牌...但似乎街上o既舖頭同花都完全冇關....

再過多幾個街口...終於搵到喇....但其實同香港花墟咪又差唔多...

行左咁多路...又係時候食番d 野...過左大遠百裡面個food court...
早兩日去台南食唔到周氏蝦捲....估唔到呢度可以食番...

唔止呀...仲有我好想食o既牛肉麵...雖然只係普通food court...但都好過冇啦...

仲有好多時間剩...過一過附近o既 85大樓...不過...係冇野好行o既....

都係快d 走人....坐車過去中央公園站....原宿玉竹...好似旺角潮流特別咁... 唔啱我行...

新堀江....好似旺角中心o既貨色...更加唔啱我行.....

既然冇乜野好行....不如返過酒店附近o既高雄車站....睇下有冇野行...
睇旅遊書見到有間好local o既飯店...但可惜我地去到時...佢地落左場...冇得食...

唯有睇下仲有冇其他野食....見到我平時o係香港好鍾意食o既八方雲集...都想試一試...
呢度只得餃子...冇其他野...但有一隻鮮蝦水餃o係香港係冇...而且佢地係o係現場即包餃子...

o係八方雲集只係食左好少野...因為留番個肚再食其他野...最後一擊係連鎖店o既拉麵..
唔知大家有冇留意我地最後一日...只食平價連鎖店呢?....因為換少左錢...最後一日要慳住用lor ...哈哈..

其實都仲有d 時間...不過冇乜好行...加上又好攰..都係早 d 去機場.....

唔知係咁啱...定係事實真係冇乜人去高雄....呢幾日發覺街上好少遊客...
但真係估唔到...連機場都好似個死城咁lor .....

我一早都知...高雄機場好細...冇乜野好行...但冇諗過真係咁細....
仲有好耐先夠鐘登機....只有....等...等...等...