30 Jun 2013

今朝要坐早機返香港....五點鐘就要起身....冇時間落街食早餐..好在尋晚買定...

食飽就要check out.....

可能呢班機好爆....所以upgrade左我地去business class.....第一次可以伸直對腳坐飛機...

起飛冇耐....空姐就俾個餐牌我地揀野食.....食左咁多日韓式野....我寧願揀番個西式....

食完生果同麵包......就到呢個三文魚炒蛋 + 腸仔......雖然野食唔係好食好多...
但個位就一定坐得舒服好多.....因為我差唔多訓足全程機.....

第一次去旅行係坐早機返....返到屋企都只係朝早十一點幾....可以慢慢執好d 野...

除左野食之外.....仲買左一大堆護膚品返黎.....

執好野之後....有少少肚餓.....煮左個韓國杯麵.....韓國o既麵真係好好食...

今晚約左Eddie同埋阿海出黎食晚飯.....又係去左尖沙咀坐極都唔趕你走o既茶餐廳...

之後再過去佐敦佳佳食糖水.....

我將d 手信交左俾Eddie.....佢又將佢d 泰國手信俾左我......交換手信....

29 Jun 2013

起左身...有d 肚餓....落街行個圈....都係冇乜好食...結果係買野返酒店食..

阿Jay黎接我地之後....原來又去食野.....不過呢個冷麵超好味...多多都食得落....

今朝o既行程...係首先去太宗台公園....所謂公園....其實係一個好大o既山頭....

除左有出名o既燈塔之外....原來果度仲有d 好特別o既野.....
d 人o係海邊擺檔....邊食野邊飲酒...仲有d 海浪打上黎....

之後...我地出番去札嘎其市場.....原本諗住食海鮮....但時間關係....最終只係去買紫菜同海味..

再去埋附近o既國際市場....感覺有d 似女人街廟街......

個天都未黑.....都只係五點幾....我地就去左食個early dinner.....今餐都係豬肉....

返酒店放低d 野.......就要同阿Jay 講 bye bye.......

夜晚係自由活動o既時間....大家各自去行街.....我自己一個人去左釜山大學果邊行...

釜山大學d 野幾啱我行.....起碼年青一d.....仲有好多野食添.....
黎左幾日...我好想試真正o既韓燒.....頭先咁早食飯....我可以再食d 野....

份量唔係好多.....所以試左個網燒之後....可以再試埋傳統果隻....埋單都只係一舊水..好抵...

o係釜山大學行左咁耐...都只係八點幾.....見仲有時間...再去酒店附近o既西面站...再行下...

真好彩...竟然俾我o係ABC Mart 搵到好野....之前o係南浦洞見到..好鍾意呢隻顏色...
但只得女裝碼...俾我o係呢度見到男裝...仲要係斷碼最後一對大減價...百四蚊港紙唔使..

時間都唔早....要快d 返酒店....因為聽日就要走...到左最痛苦o既時刻...
就係要執行李......足足用左成個鐘.....先pack 好晒所有野....

28 Jun 2013

 

一早醒左...全世界都繼續留o係酒店....我就自己一個人落街行下....

仲o係街邊檔食左碗麵做早餐添....

韓國朋友阿Jay.....今日終於黎到....同埋我地一齊玩.....仲租埋車.....今日唔使自己坐車喇....

我地首先去左機張....一個沿海o既地方.....佢地話呢度係拍過套好出名o既戲...不過我完全唔識...

跟住o係海邊一間cafe 坐低....飲杯野休息下.....

差唔多lunch time喇.....去左機張一間餐廳.....第一次食韓國魚生同埋海鰻....好好味....

下一個景點.....海東龍宮寺......

要離開機張喇....過番海雲台區.......先去行下街.....

雖然我未肚餓....不過呢個包好吸引......我都係忍唔住買左.....

離開shopping mall.....原本諗住去APEC睇下.....可惜已經關門....

不過都唔使失望住....原來果度有條路.....可以行過去海雲台海灘.....
由另一個角度睇......d 風景好似仲靚.........

跟住係晚餐時間.....海雲台果邊.....有出名食雞泡魚o既餐廳......
我都係第一次食雞泡魚.....但其實又冇想像中咁特別喎.....

食飽飯.....已經入黑.....我地去左cinema center.....
釜山每年o既電影節好似都係o係呢度搞....我印象最深刻..係呢個幾層樓高o既室外screen..

今日最後o既節目係上山頂睇夜景.....呢個位置真係好好....可以睇埋廣安大橋.....

Jay佢地送左我地返酒店之後.....我地見仲有時間....所以爭取時間....出去再行下....

27 Jun 2013

一早醒左....啱啱趕得切....上網book到羽毛球場.....
不過因為要等姑姐做埋d 公事.....所以晏d 先出去食早餐.....

食飽之後....就出發去甘川洞文化村......一個好特別o既地方....成個山頭都係唔同顏色o既小屋...
小屋裡面.....擺放住好多我唔係好明o既藝術品....不過係一個好舒服o既地方.....

行行下.....Tim哥見到佢好想食o既野.....

唔經唔覺....都行左幾個鐘.....我地坐的士去返南浦洞.......o係BIFF 附近搵食....

求其搵個地方食lunch....但搵到呢間餐廳食o既小雲吞又幾好食喎.....

跟住係自由活動時間....各自o係南浦洞行街shopping.....

原先冇打算o係南浦洞逗留咁耐.....點知....越行越晏......最後成晚都o係度行街.....

行街行到八點幾九點....時間都唔早....只可以o係附近食晚飯....
今晚係食人蔘雞.....我呢個.....仲有隻鮑魚添......食飽飽就坐的士返酒店lu.....

26 Jun 2013

坐凌晨機.....原來真係好辛苦....等極都未起飛....上左機又訓唔到...

終於到釜山喇.....首先去換左錢先....

攞住D 行李好鬼重......雖然未可以check in.....但都攞d 行李去酒店先....

跟住就過去centum city......

之前網上睇到.....有間叫spa land o既地方.....可以去浸下浴....又有休息室可以訓下...啱晒凌晨機去o既人..

去到首先食個brunch.....

休息過後....我地就出發去海雲台.....

過到去之後....姑姐話有d 肚餓.....我地去左食豬手.....好好味....

食飽之後.....就o係海雲台個海灘行下.....感覺有d 似去左淺水灣.....

原本諗住去埋水族館....不過大家實在太攰....都係返酒店休息下....

休息左一陣......過左去酒店附近o既釜田市場.....行下街市....

o係街市裡面冇買d 乜.....只係食左熱氣野.....炸雞.....

行行下.....已經到左另一個站.....西面站......係時候食晚餐....
聽講係幾出名o既豬肉泡飯.....不過我就覺得麻麻地好食......

因為太飽o既關係.....大家都想行一陣.....於是去左行E-Mart 同埋Lotte Mart.....跟住就返酒店....